Nico Carstens
Nico Carstens | |
|---|---|
| Geboortenaam | Nicolaas Cornelius Carstens |
| Gebore | 10 Februarie 1926 Kaapstad, Suid-Afrika |
| Sterf | 1 November 2016 (op 90)[1] Kaapstad, Suid-Afrika |
| Genres | Boeremusiek |
| Beroep(e) | Musikant |
| Instrumente | Trekklavier |
| Jare aktief | 1960's–2016 |
Nicolaas Cornelius Carstens (1926–2016) was 'n Suid-Afrikaanse trekklavierspeler, komponis en boereorkesleier. Carstens het honderde komposisies die lig laat sien en is veral bekend vir sy instrumentale treffer, Zambezi.[2]
Lewensloop
[wysig | wysig bron]Carstens is op 10 Februarie 1926 in Kaapstad van Nederlandse ouers gebore. Hy kry sy eerste trekklavier op die ouderdom van 13 en wen sy eerste musiekkompetisie ses maande later. Hy komponeer sy eerste musiekstuk op die ouderdom van 17 en het daarna ongeveer 'n verdere 1200 komposisies geskryf.
Hy het as 19-jarige in die orkes van Hendrik Susan begin speel en in 1950 sy eie orkes gestig. In 1959 word hy die eerste Suid-Afrikaanse kunstenaar wat ’n toekenning ontvang vir die verkoop van meer as 'n miljoen musiekopnames.[2]
Carstens sterf op 1 November 2016 in Kaapstad op 90 jarige ouderdom.
Komposisies
[wysig | wysig bron]Nico Carstens was die skrywer van verskeie treffers, soos "Zambezi" die "Klokkiewals" en "Warmpatat".
Sy bekendste liedjie, "Zambezi", het wêreldwyd 'n treffer geword en is deur kunstenaars soos Eddie Calvert, Acker Bilk, Bert Kaempfert, The Shadows, James Last, Chet Atkins, Floyd Cramer en Johnny Dankworth opgeneem.[3] Ander komposisies daarvan is opgeneem deur Horst Wende, Henri René, Geoffliefde en orkeste in Australië, Italië en Pole.
- Van sy ander liedjies sluit in
Aap Setties, Boerenooi, Boma Boma; Kombuis Kwela, Brakpan Kwela, Brakpan Setties, Casablanca, Die Ou Kalahari, Die Springbok Kwela, Die Wolf Kwela, Geenfonteinse Vastrap, Gertjie Wintervoël, Goue Tango, Goue Vingers, Grandma Dooley, Hasie, Helena Cha-Cha, Helena Tango, Herd Boy/ Veewagter, Mpi Zulu, Jampot Polka, Jazz-A-Roo, Jy's My Hart, Kariba, Katjiepieringwals, Kersfees Wals, Klokkiewals, Lente In Switzerland, Luanda, Meadowlands, Meerkat Samba, Mimosa Cha-Cha, Nader Aan Jou, Net Jy Alleen, Nico Se Wysie, Outa In Die Langpad, Pasop Vir Die Maan, Pondoland, Quietude, Ressano Garcia, Riksja Booi, Shirley Wals, Skoppelmaai, Skuus Bietjie Hier, Soetpatatta, Umfaan, Vaalpens Polka, Voom-Ba-Voom, Wag 'n Bietjie, Warm Patat en Zambezi.
Sien ook
[wysig | wysig bron]- Diskografie van Nico Carstens
- Lys van Suid-Afrikaanse musikante
- Lys van bekende Suid-Afrikaners
- Boeremusiek
Verwysings
[wysig | wysig bron]- ↑ Nico Carstens oorlede, Maroela Media, 2 November 2016
- ↑ 2,0 2,1 HAT Taal-en-feitegids, Pearson, Desember 2013, ISBN 978-1-77578-243-8
- ↑ Harris, Craig. "Nico Carstens: Biografie" (in Engels). Allmusic. Geargiveer vanaf die oorspronklike op 9 Oktober 2019. Besoek op 12 Februarie 2011.
