Noli

in Wikipedia, die vrye ensiklopedie
Jump to navigation Jump to search
Comune di Noli
Nöi
Uitsig oor Noli
Uitsig oor Noli
Ligging van Comune di Noli op 'n kaart (Italië)
Comune di Noli
Comune di Noli
Koördinate: 44°12′22″N 8°24′48″O / 44.20611°N 8.41333°O / 44.20611; 8.41333Koördinate: 44°12′22″N 8°24′48″O / 44.20611°N 8.41333°O / 44.20611; 8.41333
Land Vlag van Italië Italië
Streek Flag of Liguria.svg Ligurië
Provinsie Savona
Stigting 317 v.C.
Regering
 - Burgemeester Lucio Fossati (#Idea Noli)
Oppervlak
 - Munisipaliteit 9,67 km²  (3,73 vk m)
Hoogte m (7 vt)
Bevolking (31 Desember 2017)
 - Munisipaliteit 2 692
 - Digtheid 278,4/km² (721,1/myl2)
Tydsone MET (UTC+1)
 - Somer (DST) MEST (UTC+2)
Poskode 17026
Skakelkode(s) 019
Webwerf: comunenoli.gov.it

Noli ([ˈnɔːli]; Liguries: Nöi [ˈnɔːi]) is 'n munisipaliteit (comune) langs die Liguriese kus, noordwes van Genua geleë, met 'n bevolking van 2 692. Die naam is afgelei van 'n Grieks-Bisantynse variant van Neapolis of "Nuwe Stad". Noli het tussen 1193 en die Napoleontiese inval in Italië in 1797 as onafhanklike Republiek Noli bestaan en was die kleinste van Italië se sogenaamde Repubbliche Marinare of Seerepublieke.

Vir sy deelname aan die Eerste Kruistog in 1097 is 'n verskeidenheid voorregte aan Noli toegeken, veral op die gebied van handel. Noli se kooplui het die hele Middellandse See bevaar om handel te dryf met tekstiele, graan, kruie en speserye en slawe. Hul welvaart het van Noli 'n seemoondheid gemaak wat vanaf 1193 as selfregerende stadrepubliek kon bestaan. Gedurende sy bloeitydperk, wat tot in die 14de edeu voortgeduur het, het Noli 'n betreklik groot gebied oorheers wat nedersettings in sy omgewing soos Orco, Mallare, Segno en Vado ingesluit het. Verdere uitbreiding van Noli se handelsaktiwiteite is deur sy natuurlike seehawe beperk wat nie geskik was vir die hantering van groter getalle skepe nie. Om sy onafhanklikheid as seerepubliek te handhaaf, het Noli 'n politieke alliansie met Genua gesluit.

Noli is lid van die vereniging I borghi più belli d’Italia - "Die mooiste borghi (Middeleeuse dorpe) van Italië".

Geografie[wysig | wysig bron]

'n Lugaansig van die eiland Bergeggi (Isola di Bergeggi)
Kaap Noli (Capo Noli) met sy weerstasie

Noli is in 'n baai van die Golf van Genua geleë wat deel uitmaak van die Riviera di Ponente (die westelike deel van die Italiaanse Riviera wat tot Ventimiglia naby die grens met Frankryk strek) en in die weste deur die Kaap Noli (Capo Noli) en in die ooste deur die eiland Bergeggi begrens word. Die plaaslike sandstrand se afdaling na die see is redelik steil sodat Noli danksy sy natuurlike hawe van oudsher seehandelsbetrekkinge met ander Mediterreense nedersettings kon aanknoop, maar tegelykertyd blootgestel aan aanvalle vanuit die see. Die enigste binnelandse roete na Noli en sy hawe lei deur 'n nou vallei.

Eksterne skakel[wysig | wysig bron]

Media