Nuwe Wêreld

in Wikipedia, die vrye ensiklopedie
Spring na: navigasie, soek
Die Nuwe Wêreld in die 18de eeu.

Die begrip Nuwe Wêreld verwys na die kontinente wat deur die Europeërs vanaf 1492 ontdek is. Die woorde Nuovo Mundo is deur die ontdekkingsreisiger Amerigo Vespucci vir die eerste keer gebruik om aan te dui dat sy voorganger, Christophorus Columbus, in teenstelling tot wat hy self dog, nie Asië via die westelike roete bereik het nie, maar 'n gehele "Nuwe Wêreld".

Klassifikasie[wysig]

Oor die algemeen word Noord- en Suid-Amerika hiermee aangedui. Die Ou Wêreld is Europa, Afrika en Asië, uit die perspektief van die Europeërs.

Hoewe Australië en Antarktika ook na 1492 ontdek is, word hulle nie tot die Nuwe Wêreld gereken nie. Hulle kan egter ook nie in die Ou Wêreld ingedeel word nie. Hul indeling is dan ook gewoonlik 'n struikelblok in die geografie van die wêreld. Die mees gangbare is dan ook die term Terra Australis, wat "suidelike land" beteken en meestal gedurende die 18de eeu gebruik is.

Verder word die eilandjies wat na 1492 ontdek is ook lang nie meer tot die nuwe wêreld gereken nie.

Biologie[wysig]

Die begrip word binne die biologie gewoonlik gebruik; dit kom veral omdat byvoorbeeld baie groepe diere op die Amerikaanse kontinent geïsoleerd geraak het. Hierdeur is daar gewoonlik diereordes of dierefamilies met "Nuwe Wêreld" as agtervoegsel, soos die ape van die Nuwe Wêreld, die muise en rotte van die Nuwe Wêreld, en die giere van die Nuwe Wêreld.

Kultuur en politiek[wysig]

Ook om verskille in kultuur en politiek aan te dui, word hierdie begrippe nog steeds gebruik.

Wyne[wysig]

In die wynwêreld word 'n ander onderskeid in die Nuwe en Ou Wêrelde gemaak. Europese wyne word ou-wêreldwyne genoem, en wyne uit die res van die wêreld, soos uit Suid-Amerika, Australië, Kalifornië, Libanon en Suid-Afrika word nuwe-wêreldwyne genoem.