Olifantrob

in Wikipedia, die vrye ensiklopedie
Spring na: navigasie, soek
Olifantrob
'n Bul en 'n koei
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Suborde: Pinnipedia
Familie: Phocidae
Genus: Mirounga
Spesies

M. angustirostris
M. leonina

Olifantrobbe of see-olifante (Mirounga) is 'n biologiese genus van groot robbe. Olifantrobbe is die grootste lewende roofdiere in die see. Die bulle (mannetjies) kan tot 6.5 meter lank word en het 'n verlengde, slurpagtige snoet wat baie soos 'n olifant se slurp lyk (vandaar die naam). Dié velsak (slurp) word opgeblaas as hulle opgewonde raak.[1][2][3]

Daar is twee spesies, een in die Noordelike en een is die Suidelike Halfrond. Die suidelike olifantrob word in die Antarktiese waters aangetref, terwyl die noordelike olifantrob op die eilande van Kalifornië en Mexiko voorkom.

Olifantrobbe voer 'n swerwers-bestaan in die oseaan. Buiten die broeiseisoen kom hulle net aan wal om te vervel (verhaar). In die laat somer drom honderde olifantrobbe op strande en in modderige poele saam. Hulle lê naby aan mekaar terwyl hulle geleidelik kolle vel en hare afgooi. As die ou vel uiteindelik met 'n nuwe pels vervang is, keer hulle na die water terug.

Die paarseisoen word deur 'n bakleiery tussen die bulle voorafgegaan, wat hulle groot lywe teen mekaar werp. Die wenners paar met die koeie.

Olifantrobbe duik tot 1550 meter diep in die oseaan. Die diepste rekord wat aangeteken is, was 2 388 meter.[4][5][6] Die koeie duik gemiddelde 20 minute lank, terwyl die bulle tot 60 minute (1 uur) onder die water kan bly, op soek na hul gunsteling kos. Hul dieet bestaan uit vlete, inkvisse, seekatte, palings, pikkewyne en klein haaie. Hul mae bevat dikwels klippe wat hulle met hul vertering help.

Die diere is verbasend rats op die land, en kan vinniger as 'n mens oor sandduine beweeg.

Verwysings[wysig | wysig bron]

  1. Mirounga. "Elephant seal: profile, facts, information, photos, pictures, sounds, habitats, reports, news -- National Geographic". Animals.nationalgeographic.com. Verkry op 2009-01-08. 
  2. "Elephant seals". Parks.ca.gov. 2007-05-23. Verkry op 2009-01-08. 
  3. "Elephant Seal – MSN Encarta". Encarta.msn.com. Geargiveer vanaf die oorspronklike op 2009-10-31. Verkry op 2009-12-29. 
  4. Tagging Pacific predators.
  5. Amos, Jonathan (2006-02-21). "BBC NEWS | Science/Nature | Elephant seals dive for science". BBC News. Verkry op 2009-01-08. 
  6. "Census of Marine Life – From the edge of darkness to the black abyss" (PDF). Coml.org. Verkry op 2009-12-15. 

Eksterne skakels[wysig | wysig bron]