Oliver North

in Wikipedia, die vrye ensiklopedie
Spring na: navigasie, soek
Oliver North
Gebore 7 Oktober 1943
Oliver North

North in Desember 2007

Bynaam(e) Ollie
Geboorteplek San Antonio, Texas
Lojaliteit Vlag van Verenigde State van Amerika Verenigde State
Diens/Tak Flag of the United States Marine Corps.svg Amerikaanse Mariene Korps
Jare in diens 1968–1990
Rang Luitenant-Generaal
Eenheid 1ste Bataljon 3de Marine (Viëtnam)
3de Bataljon 8ste Marine
2de Marine Divisie
Poste beklee Marine Corps Northern Training Area, Okinawa
Veldslae/oorloë Viëtnamoorlog
Toekennings Silwer ster medalje
Brons Ster medalje, "V"
Purple Heart-medalje (2)
Combat Action Ribbon
Presidensiële Dienskenteken
Familie Betsy, huwelik in 1967, en vier kinders
Ander werk Korrespondent vir die Fox News Channel
Kandidaat vir die Verenigde State se senaat

Oliver Laurence North of Ollie North[1] is 'n afgetrede luitenant-kolonel van die Amerikaanse marinierskorps. Hy is ook 'n bekende TV-persoonlikheid, politieke kommentator, skrywer en was by die Iran-Contra-skandaal betrokke.

Vroeë lewe[wysig | wysig bron]

Polisiefoto van North, geneem op die dag van sy arrestasie
Oliver North (middel)
North onderteken een van sy blitsverkopers

Oliver Laurence North is op 7 Oktober 1943 in San Antonio, Texas gebore, maar word in Philmont in New York groot. Hy studeer aan die Staatsuniversiteit van New York by Brockport. In 1987 is hy met Betsy Stuart getroud.

North het 22 jaar in die Amerikaanse marinierskorps gedien, onder andere tydens die Vietnamoorlog. In 1981 word hy lid van die staf van die Nasionale Veiligheidsraad van die Reagan-regering, hy koördineerder van 1983 tot 1986 die bestryding van terrorisme, en word uiteindelik adjunkdirekteur vir politiek-militêre sake. Hy koördineer die inval van Grenada in 1983. In 1985 speel hy 'n belangrike rol in die suksesvolle poging om die kapers van die passasierskip, die Achille Lauro in Italië te arresteer. North was ook in 1986 by voorbereidings vir die lugaanvalle op Libiese militêre basisse in Tripoli en Benghazi, as vergelding vir 'n bomaanslag in 'n Berlynse nagklub betrokke.

Die Iran-Contra-skandaal[wysig | wysig bron]

In die laat 1980's verkoop die VSA in die geheim wapens aan Iran om die vrylating van Amerikaanse gyselaars wat in Libanon aangehou is aan te moedig. North formuleer egter 'n tweede deel van die plan, wat die opbrengs van die verkope na die Contra-rebelle in Nicaragua herlei. Dit was spesifiek ingevolge die Boland-Amendement verbied en hy is op 5 Julie 1989 vir sy aandeel daaraan gevonnis.

Hy is vir drie jaar gevangenis met opskorting, twee jaar voorwaardelik, 'n $150 000 boete en 1 200 uur gemeenskapsdiens gevonnis. Op 20 Julie 1990 is sy veroordeling tersyde gestel omdat die proses nie regverdig was nie en dit op TV uitgesaai is. Die Amerikaanse Hooggeregshof verwerp die saak en het nie 'n hersiening daarvan toegestaan nie.

Latere lewe[wysig | wysig bron]

In 1994 staan North as senator in Virginia, maar was nie suksesvol nie. Hy het verskeie blitsverkopers geskryf, waaronder: Under Fire, One More Mission, War Stories - Operation Iraqi Freedom, Mission compromised, The Jericho sanction en The Assassins. Hy skryf ook rubrieke en is die gasheer van die TV-program War Stories with Oliver North.

Verwysings[wysig | wysig bron]

  1. Amptelike biografie op OliverNorth.com

Eksterne skakels[wysig | wysig bron]