Onafhanklike Staat Kroasië

in Wikipedia, die vrye ensiklopedie
Jump to navigation Jump to search
Nezavisna Država Hrvatska
Onafhanklike Staat Kroasië
Pan-Slavic flag.svg
1941 – 1945 Flag of Yugoslavia (1946-1992).svg
Vlag Wapenskild
Vlag Wapen
Volkslied: Lijepa naša domovino
(Kroaties vir: "Ons mooi vaderland")
Ligging of Kroasië
Ligging van die Onafhanklike Staat Kroasië
Hoofstad Zagreb
Taal/Tale Kroaties
Regering Monargie
President
 - 1941-1943 Tomislav II
Governor
 - 1941-1943 Ante Pavelić
 - 1943-1945 Nikola Mandić
Geskiedenis
 - Stigting 10 April 1941
 - Ontbinding 8 Mei 1945
Oppervlakte
 - 1941 115 133 km2
44 453 sq mi
Bevolking
 - 1941 skatting 6 966 729 
     Digtheid 60,5 /km² 
156,7 /sq mi
Geldeenheid NDH Kuna
Die eerste staatshoof van 'n onafhanklike Kroasië, Anton Pavelić, tydens 'n besoek aan Adolf Hitler se Berghof op 9 Junie 1941

Die Onafhanklike Staat Kroasië (OSK, Kroaties: Nezavisna Država Hrvatska, kort NDH) was 'n kortstondige outoritêr-fascistiese Kroatiese republiek wat tussen 1941 en 1945 bestaan en naas die huidige Kroasië en Bosnië en Herzegowina ook dele van Serwië ingesluit het. Die staatshoof en diktator Ante Pavelić, leier van die nasionalistiese Ustaša-beweging, het noue bande met die Spilmoondhede gehandhaaf en hul kant in die Tweede Wêreldoorlog gekies.

Die Balkanveldtog van die Duitse Weermag, wat op 6 April 1941 met 'n aanval op die Serwies-oorheerste sogenaamde "Koninkryk Joego-Slawië" begin het, is deur baie etniese groepe, veral Bosniese Moslems, as 'n bevryding van Serwiese onderdrukking en 'n kans op die verwesenliking van hul nasionale aspirasies beskou (wat eers in 1993 realiteit geword het).

Die OSK is in April 1941 in die lewe geroep nadat die Europese Spilmoondhede, die sogenaamde Groot-Duitse Ryk en die Koninkryk Italië, die Koninkryk Joego-Slawië ontbind het. Aanvanklik het die spilmoondhede ook besettingsmagte in die OSK gestasioneer.