Osroene

in Wikipedia, die vrye ensiklopedie
Spring na: navigasie, soek
Osroene as ’n afhanklike staat van die Romeinse Ryk sedert 31 v.C.
Die Romeinse provinsie Osroene se ligging in die Romeinse Ryk.

Osroene (ook gespel Osroëne; Grieks: Ὀσροηνή; Siries: Malkūṯā d-Bayt ʿŌrhai), soms ook bekend onder die naam van sy hoofstad, Edessa (vandag Şanlıurfa in Turkye), was ’n koninkryk in Bo-Mesopotamië[1] wat tussen 132 v.C. en 244 n.C. semi-onafhanklik of heeltemal onafhanklik was.[2][3]

Geskiedenis[wysig | wysig bron]

Die Siriessprekende koninkryk[4] het in 136 v.C. sy onafhanklikheid gekry van die verbrokkelende Seleukidiese Ryk deur ’n dinastie van die nomadiese Nabatese stam Orrhoei. Die meeste konings van Osroene is Abgar of Manu genoem.[5] Dit is al hoe meer beïnvloed deur die Assiriese kultuur en was die middelpunt van ’n nasionale weerstand teen Hellenisme.

Die gebied van die koninkryk, aan die bolope van die Eufraat, het die tradisionele oorlogsgebied geword van die lande wat Klein-Asië, Persië, Sirië en Armenië regeer het. Met die ontbinding van die Seleukidiese Ryk is dit verdeel tussen die Romeinse Ryk en Parthië. Na die val van die Romeinse Ryk in 395 het dit deel van die Bisantynse Ryk geword. Teen die 5de eeu was Edessa die hoofkwartier van Siriese letterkunde en geleerdheid, asook belangrik vir die verspreiding van die Christendom in Mesopotamië, Persië en Armenië.[6]

In 638 is dit deur die Moslems verower. Pogings deur die Bisantynse Ryk om dit te herower het telkens misluk.

Verwysings[wysig | wysig bron]

  1. The Encyclopedia of Military History: From 3500 B.C. to the Present, deel 25. Richard Ernest Dupuy, Trevor Nevitt Dupuy. Harper & Row, 1970. Bl. 115.
  2. Alexander Roberts & James Donaldson (eds.), The Writings of the Fathers Down to AD 325: Ante-Nicene Fathers vol. 8 (Peabody, Massachusetts: Hendrickson Publishers, 1994), 657-672. [1]
  3. Adrian Fortescue, The Lesser Eastern Churches, bl. 22. Catholic Truth Society, 1913. Oorspronklik van die Universiteit van Michigan.[2]
  4. "The Ancient Name of Edessa," Amir Harrak, Journal of Near Eastern Studies, Vol. 51, No. 3 (Julie 1992): 209-214 [3]
  5. http://books.google.com/books?id=2_eAKmK7KkYC&pg=PA22&dq#v=onepage&q&f=false
  6. Encarta-encyclopedie Winkler Prins (1993-2002) s.v. Edessa [geschiedenis]


Romeinse keiserlike provinsies in die jaar 120
Roman empire.png
Achaea | Aegyptus | Africa | Alpes Cottiae | Alpes Maritimae | Alpes Poenninae | Arabia Petraea | Armenia Inferior | Asia | Assyria | Bithinië | Britannia | Kappadosië | Cilicia | Commagene | Corsica et Sardinia | Creta et Cyrenaica | Siprus | Dacië | Dalmasië | Epirus | Galasië | Gallia Aquitania | Gallia Belgica | Gallia Lugdunensis | Gallia Narbonensis | Germania Inferior | Germania Superior | Hispania Baetica | Baleariese Eilande | Lusitanië | Hispania Tarraconensis | Italia | Iudaea | Licaonië | Licië | Macedonië | Mauretania Caesariensis | Mauretania Tingitana | Moesië | Noricum | Numidië | Osroene | Pannonië | Pamfilië | Pisidië | Pontus | Raetia | Sicilia | Sophene | Syria | Thracië
bewerk