Pieter Kooistra

Pieter Kooistra
Pieter Kooistra
	; Selfportret, akriel op doek
Gebore	24 Junie 1922;
Sterf	5 Mei 1998 (op 75);
Nasionaliteit	Nederlands
Veld	Skilderkuns, beeldhou, grafiek

Pieter Kooistra (Leeuwarden, 24 Junie 1922 - Tiel, 5 Mei 1998), was 'n Nederlandse skilder, grafikus, fotograaf, beeldhouer, en skrywer. Hy was sosiaal betrokke en het die stigting Uno-inkomen opgerig, wat een van die eerste organisasies was wat vir 'n globale basisinkomste gepleit het.

Lewe en werk[wysig | wysig bron]

Kooistra was 'n outodidak. Hy het meestal ekspressionisties-fauvisties in Leeuwarden, Bergen, Terschelling, Amsterdam, en vanaf 1974 in Varik gewerk. Sy vernaamste onderwerpe was landskappe, naakfigure, en nie-figuratiewe werke. In Nederland het hy bekend geword as die geestelike vader van die kunsuitleen/artoteek. Hy het gevind dat 'n kunswerk 'n middel is tot bewuswording van eenheid in verskeidenheid, soos die lewe self, en wou dit ideaal digter by die gewone mense bring.

Kooistra het beelderoetes van sy werke in stede soos Amsterdam, Alphen aan den Rijn, Ridderkerk, en Tiel georganiseer. In 1978 het die gemeente Tiel sy beelderoete, die Collectie Straatbeeld, onthul. Hy het opdrag gekry om by die skouburg Agnietenhof 'n kunswerk te plaas. Kooistra het egter gereken dat hy deur middel van 'n ooreenkoms twaalf beelde kon maak. Hy het twaalf monumentale geometries-abstrakte beelde van messing en aluminium vervaardig. Dit het vinnig duidelik geword dat die realiseer van twaalf beelde teen die prys van één tegniese nadele tot gevolg gehad het: een beeld is van die voetstuk geskei, en 'n ander het tydens 'n storm omgeval. Teen 1980 was slegs vier beelde nog ongeskonde. In 2006 is een van die vier oorgeblewe beelde gerestoureer en by die Waalkade in Tiel herplaas. Saam met 'n ander beeld by die Sint Maartenskerk gee dit een deel van die geskiedenis van 'n besondere projek van 'n markante kunstenaar weer.^[1]

Kooistra het 'n ruime hoeveelheid kuns aan die stigting Uno-inkome nagelaat om teen noodsaaklike aankope te ruil. 'n Groot aantal skilderye is in die Veerhuis in Varik te sien.

Beeldhouwerke (seleksie)[wysig | wysig bron]

Innerlijke evenwichtsoefening (1978), plantsoen Sint Maartenskerk in Tiel
Innerlijke evenwichtsoefening (1978), Waalkade in Tiel
Zonder titel (jaartal onbekend, waarskynlik rondom 1978), by die Veerhuis in Varik
Balans (1984), Amsterdamseweg in Emmeloord

Publikasies[wysig | wysig bron]

Pieter Kooistra, Het Ideale Eigenbelang - Een UNO-Marshallplan voor alle mensen, Uitgeverij Kok Agora, Kampen, 1993, ISBN 90-391-0574-X
Pieter Kooistra, Getroffen in woord en in beeld (tekeninge en teks oor die watersnoodramp van 1953), CBK Zeeland, 2003, ISBN 90-6354-108-2