Ploegbreker
| Ploegbreker | |
|---|---|
| |
| In Krugersdorp | |
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| (geen rang): | |
| Orde: | |
| Familie: | |
| Subfamilie: | |
| Genus: | |
| Spesie: | E. zeyheri
|
| Binomiale naam | |
| Erythrina zeyheri | |
Die Ploegbreker (Erythrina zeyheri, vernoem na Karl Zeyher) is 'n bladwisselende dwergstruik van Suid-Afrika en Lesotho wat niks hoër as 60 cm groei nie.[1] Die peulplant is inheems aan die sentrale plato, waar dit wydverspreid voorkom in grasveld.[2] Hulle groei in kleigrond en soms sandgrond, in die nabye van spruite en vleie, waar hulle in kolonies kan voorkom.[1]
Die haarlose, drieledige blare het skerp gekromde stekels langs die hoofas en groter syare,[3] wat aan die ondersy opgehewe is. Die lote en blare word jaarliks uitgestoot, en sterf weg tydens strawwe hoëveldse winters,[1] wanneer die plant oorleef as 'n aansienlike knolagtige wortelstok met kort bogrondse stingels. Bloeiwyses word in die somer voortgebring, van Oktober tot Januarie.[1] Die hangende skarlakenkleurige, of by uitsondering wit,[3] blomme het rooi blomkelke.
Die vrugte is gladde, swart peule, wat elk 'n paar harde, oranjerooi sade bevat.[1][3]
Dit is 'n voedselplant vir die mot Terastia margaritis.[4]
Verwysings
- ↑ 1,0 1,1 1,2 1,3 1,4 Elliot Lithudzha, K Behr,. "Erythrina zeyheri". plantzafrica.com. South African National Biodiversity Institute. Besoek op 19 Desember 2012.
{{cite web}}: AS1-onderhoud: ekstra leestekens (link) AS1-onderhoud: meer as een naam (link) - ↑ Verslae uit Botswana en Zimbabwe word betwis, kyk: "Erythrina latissima E. Mey. (Notas)". Flora Zambesiaca. kew.org. Besoek op 21 Desember 2012.
- ↑ 3,0 3,1 3,2 van Wyk, Braam; et al. (1988). Veldgids tot die Veldblomme van die Witwatersrand en Pretoria. Cape Town: Struik. pp. 206–207. ISBN 0-86977-815-3.
{{cite book}}: Uitdruklike gebruik van et al. in:|first=(hulp) - ↑ Goff, R. "Terastia margaritis". African Moths. Besoek op 21 Desember 2012.
Eksterne skakels
- 'n Kolonie Ploegbrekers na 'n veldbrand, Operation wildflower
Wikimedia Commons het meer media in die kategorie Erythrina zeyheri.
