Poliomiëlitis

in Wikipedia, die vrye ensiklopedie
Poliomiëlitis
Klassifikasie en eksterne bronne
Man wat se been as gevolg van polio aangetas is.
Man wat se been as gevolg van polio aangetas is.
ICD-10 A80, B91
ICD-9 045, 138
DiseasesDB 10209
MedlinePlus   001402
eMedicine ped/1843pmr/6
MeSH C02.182.600.700
Mediese waarskuwing

Poliomiëlitis, ook kinderverlamming of kortweg polio genoem, is 'n gevaarlike en hoogsaansteeklike siekte. Die siekte het al baie kinders in die geskiedenis geaffekteer. Dit kom egter nie meer algemeen voor nie. Volgens die Wêreldgesondheidsorganisasie het polio, sedert immunisasie in 1955 beskikbaar geword het, met 99% afgeneem.[1]

Bevestigde gevalle van Poliomiëlitis in 2018[2][3]
Land Aktiewe
gevalle
Sirkuleerende
entstof-
verwante
gevalle
Oordrag-
status
Tipe(s)
Vlag van Afghanistan Afghanistan 21 0

   endemies

   WPV1

Vlag van Pakistan Pakistan 12 0

   endemies

   WPV1

Vlag van Demokratiese Republiek die Kongo DR Kongo 0 20

   slegs cVDPV

   cVDPV2

Vlag van Indonesië Indonesië 0 1

   slegs cVDPV

   cVDPV1

Vlag van Mosambiek Mosambiek 0 1

   slegs cVDPV

   cVDPV2

Vlag van Niger Niger 0 10

   slegs cVDPV

   cVDPV2

Vlag van Nigerië Nigerië 0 34

   slegs cVDPV

   cVDPV2

Vlag van Papoea-Nieu-Guinee Papoea-Nieu-Guinee 0 26

   slegs cVDPV

   cVDPV1

Vlag van Somalië Somalië 0 12

   slegs cVDPV

   cVDPV2/3

Totaal 33 104
Die dekade van die laaste aangetekende geval van verlamde polio.[4]

Die poliovirus dring die liggaam deur die mond binne. Dit word gewoonlik as gevolg van swak higiëne of die inname van besmette water of voedsel versprei. Die virus se inkubasietyd is meestal 6-20 dae. Dit val die sentrale senuweestelsel aan en vernietig die senuweeselle wat vir spierwerking verantwoordelik is. Die persoon se arms en bene word meestal geaffekteer en kan verlamming veroorsaak.

Hoewel immunisasie teen polio vryelik beskikbaar en effektief is, is daar tans geen medikasie vir mense wat dit reeds opgedoen het nie. Die behandeling is daarop gemik om die persoon so gemaklik as moontlik te maak en die hersteltyd te versnel. Die simptome van polio verskil afhangend van hoe erg die infeksie is. Sommige mense ervaar slegs moegheid, koors, hoofpyn, keelseer en braking. Die simptome is gewoonlik vir een tot twee weke teenwoordig. By ongeveer 2% van pasiënte kom abnormale sensasie (gevoel), swaar asemhaling, moelike sluk, spierpyne, spierspasmas en verlamming voor. Hierdie simptome word deur die infeksie en inflammasie in die sentrale senuweestelsel en spinaalkoord veroorsaak.

In die kroniese fase is die verlamming ongeneeslik en lei dit tot blywende spierswakte. By groeiende kinders kan dit misvorming veroorsaak, deurdat die aangetaste ledemate nie normaal ontwikkel nie, of deur spiere kromgetrek word. As dit die asemhalingspiere aantas kan dit tot die dood lei.

Entstof[wysig | wysig bron]

Jonas Salk het in 1952 'n entstof ontwikkel teen polio.

Verwysings[wysig | wysig bron]

  1. (en) Heymann D (2006). "Global polio eradication initiative". Bull. World Health Organ. Wêreldgesondheidsorganisasie. 84 (8): 595. PMID 16917643. Besoek op 31 Augustus 2020.
  2. (en) "Polio Case Count". Wêreldgesondheidsorganisasie. 27 Desember 2017. Besoek op 31 Augustus 2020.
  3. (en) "Polio This Week". Global Polio Eradication Initiative. 26 Mei 2020. Besoek op 31 Augustus 2020.
  4. (en) "The decade of the last recorded case of paralytic polio by country". Our World in Data. Besoek op 31 Augustus 2020.

Verdere leesstof[wysig | wysig bron]

Eksterne skakels[wysig | wysig bron]