Pretoria Kunsvereniging

in Wikipedia, die vrye ensiklopedie
Spring na: navigasie, soek
Pretoria Kunsvereniging
'n Beeld van die kunsgalery.
Pretoria Kunsvereniging

Vorige naam Suid-Afrikaanse Kunsvereniging
Plek Pretoria
Land Vlag van Suid-Afrika Suid-Afrika
Openingsjaar 1947
Geopen deur Hoë Kommissaris Charles te Water
Tipe kunsgalery Kunsvereniging
Webtuiste Pretoria Kunsvereniging

Die Pretoria Kunsvereniging is 'n organisasie vir die vir die bevordering en ondersteuning van die visuele kunste, en in geleë in Nieuw Muckleneuk in Pretoria.

Geskiedenis[wysig | wysig bron]

Die Suid-Afrikaanse Beeldende Kunste Vereniging is in 1871 in Kaapstad gestig, en in 1945 hernoem na die Suid-Afrikaanse Kunsvereniging. Die Noord-Transvaalse tak van die vereniging is op 27 September 1947 gestig in Pretoria. Hoë Kommissaris Charles te Water was die dryfkrag vir die vorming van die vereniging, en ook sy eerste president. Die eerste voorsitter was die kunstenaar Walter Battiss. In 1959 bekom die vereniging 'n perseel in die Polley's Arkade, en open hul eerste galery. In 1963 word die galery na die Ou Nederlandse Bank-gebou verskuif en in 1978 na die 36ste vloer van die Vokskasgebou. In 1991 verhuis hulle na die huidige perseel by Mackiestraat 173 in Nieuw Muckleneuk.[1] In 1998 word die naam van die vereniging verander na die Suid-Afrikaanse Nasionale Vereniging vir Visuele Kuns (SANAVA), waarvan die Pretoria Kunsvereniging 'n affiliaat is.[2]

Verwysings[wysig | wysig bron]

  1. "Artefacts: Pretoria Arts Association". artefacts.co.za. Verkry op 4 Maart 2017. 
  2. "Who is SANAVA". The South African National Association for the Visual Arts (SANAVA). Verkry op 4 Maart 2017. 

Koördinate: 25°45′04.9″S 28°13′26.2″O / 25.751361°S 28.223944°O / -25.751361; 28.223944