Rancho Mirage

in Wikipedia, die vrye ensiklopedie
Jump to navigation Jump to search

Rancho Mirage
RanchoMirageCa.jpg

Ligging in Kalifornië Vlag
Riverside County California Incorporated and Unincorporated areas Rancho Mirage Highlighted.svg
Flag of Rancho Mirage, California.png
County-vlag
Flag of Riverside County, California.png
 Land Flag of the United States.svg Verenigde State
 Deelstaat Flag of California.svg Kalifornië
 County Riverside County
 Koördinate 33°46′9″N 116°25′16″W / 33.76917°N 116.42111°W / 33.76917; -116.42111
 Stigting 1920's-1930's
 Geïnkorporeer op 3 Augustus 1973
 Oppervlakte:  
 - Totaal 64,3 vk km
 Hoogte bo seevlak 6 m
 Bevolking:  
 - Totaal (Sensus 2010) 17 218
 - Bevolkingsdigtheid 270/vk km
 Tydsone PST (UTC -8)
Somertyd: PDT (UTC -7)
 Klimaat  
 - Tipe Woestynklimaat
 - Gemiddelde jaarlikse temperatuur 22,5 °C
 - Gem. temp. Januarie/Julie 13,2 / 32,8 °C
 - Gemiddelde jaarlikse neerslae 106 mm
 Burgemeester Charles Townsend
 Amptelike Webwerf Rancho Mirage

Rancho Mirage is 'n stad en hersteloord in die distrik Riverside County van die Amerikaanse deelstaat Kalifornië, sowat 100 myl oos van Los Angeles, met 'n bevolking van 17 218 volgens die sensus van 2010, waarby die seisoenale bevolking soms die 20 000-kerf oorskry.

Die Kaliforniese deelstaatroete 111 loop deur Rancho Mirage

Rancho Mirage is in 1973 as stedelike nedersetting geïnkorporeer toe vyf voorheen nie-geïnkorporeerde gebiede, waarna as die Cove-gemeenskappe verwys is (Desert, Magnesia, Palmas, Tamarisk en Thunderbird), met Mirage Cove, 'n nedersetting wat destyds 3 000 siele getel het, saamgesmelt het.

Tans is Rancho Mirage, wat tussen Cathedral City en Palm Desert geleë is, een van nege stedelike nedersettings in die Coachella Valley, die mees digbevolkte gebied in die Suid-Kaliforniese woestynstreek met 'n bevolking van meer as 400 000 waar danksy besproeiingstelsels 'n groot verskeidenheid vrugte en groentesoorte verbou word.

Die gebied van Rancho Mirage het sy bekendheid aan die nabygeleë Sunnylands-villa in besit van die filantrope Walter en Leonore Annenberg te danke wat ná die Tweede Wêreldoorlog tot 'n gewilde vakansiebestemming en hersteloord vir beroemde persoonlikhede soos Frank Sinatra, Bob Hope, Fred Astaire, Ginger Rogers, koningin Elizabeth II, Patrick Macnee en Mary Martin ontwikkel het. Ook Amerikaanse presidente soos Richard Nixon, Ronald Reagan en Gerald Ford het hier tuisgegaan.

Geriewe soos die stad se twaalf gholfbane, winkelsentrums en ligte nywerhede maak van Rancho Mirage met sy aangename warm klimaat 'n gewilde woonplek. Verskeie bekende akteurs en entrepreneurs het eiendomme in die omgewing gekoop.