Refilwe Mtsweni-Tsipane

in Wikipedia, die vrye ensiklopedie
Jump to navigation Jump to search
Refilwe Mtsweni-Tsipane
Refilwe Mtsweni-Tsipane
Mtsweni (links) in Maart 2020

Premier van Mpumalanga
Ampsbekleër
Termynaanvang
20 Maart 2018
Voorafgegaan deur David Mabuza

Mpumalanga LUR vir samewerkende regering en tradisionele sake
Ampstermyn
30 Mei 2014 – 27 Februarie 2018
Voorafgegaan deur Piet Simon Skhosana
Opgevolg deur Speedy Mashilo

Ampsbekleër
Termynaanvang
21 Mei 2014

Persoonlike besonderhede
Gebore Refilwe Maria Mtsweni
3 September 1973 (1973-09-03) (46 jaar oud)
Lynnville, Transvaal, Suid-Afrika
Nasionaliteit Suid-Afrikaner
Politieke party African National Congress
Eggenoot/eggenote Lawrence Tsipane
Kind(ers) 2
Alma mater Tshwane-Universiteit vir Tegnologie
Universiteit van die Witwatersrand

Refilwe Maria Tsipane (gebore 3 September 1973), bekend as Refilwe Mtsweni-Tsipane (alternatiewelik gespel Mtshweni) is 'n Suid-Afrikaanse politikus en die huidige premier van Mpumalanga asook 'n lid van die Mpumalanga provinsiale wetgewer. Sy was voorheen die LUR vir samewerkende regering en tradisionele sake. Mtsweni-Tsipane is 'n lid van die African National Congress en tans 'n kandidaat vir provinsiale voorsitter.

Agtergrond en opvoeding[wysig | wysig bron]

Refilwe Maria Mtsweni is op 3 September 1973 in Lynnville buite Witbank in die destydse Transvaal gebore. Sy het haar skoolloopbaan in Lynnville begin en in Atteridgeville, Pretoria gematrikuleer. Hierna het sy aan die Tshwane-Universiteit vir Tegnologie gestudeer en 'n diploma in menslike hulpbronne behaal. Sy het hierna 'n sertifikaat in leierskap en bestuur van die Universiteit van die Witwatersrand ontvang.[1]

Mtsweni-Tsipane is met Lawrence Tsipane getroud en die egpaar het twee kinders.[1]

Politieke loopbaan[wysig | wysig bron]

Mtsweni-Tsipane is na die algemene verkiesing van 2014 op 21 Mei as 'n lid van die Mpumalanga provinsiale wetgewer ingehuldig. Premier David Mabuza het haar as die LUR vir samewerkende regering en tradisionele sake aangewys.[2]

Tydens haar termyn as LUR is sy dikwels as waarnemende premier aangewys. In Julie 2017 toe sy as waarnemende premier gedien het, het sy 'n provinsiale begrafnis vir Ray Phiri verklaar.

Op 27 Februarie 2018 is Mabuza as adjunkpresident ingehuldig. Hy moes dus uit die amp van premier uittree en het vir Mtsweni-Tsipane as sy waarnemende opvolger aangewys. Die Provinsiale Demokratiese Alliansie het aangevoer dat Mtsweni-Tsipane se aanstelling as premier "ongrondwetlik" was omdat Mabuza nie meer die bevoegdheid gehad het om iemand in sy pos aan te wys nie. Sy is dus vir 'n tweede keer op 1 Maart 2018 ingehuldig. Op 14 Maart 2018 het die ANC amptelik vir Mtsweni-Tsipane as hul premierskandidaat aangekondig. Die wetgewer het haar op 20 Maart 2018 as premier verkies. Sy is die eerste vrou in Mpumalanga om die amp te beklee.[3]

Na die algemene verkiesing van 2019 is sy tot haar eerste volle vyfjaartermyn verkies. Mtsweni-Tsipane is tans 'n kandidaat vir provinsiale ANC-voorsitter.[4]

Verwysings[wysig | wysig bron]

  1. 1,0 1,1 Yende, Sizwe Sama (28 Mei 2019). "Meet Refilwe Mtshweni, the Mpumalanga premier elect who quietly does her job" (in Engels). City Press. Geargiveer vanaf die oorspronklike op 6 Junie 2020. Besoek op 6 Junie 2020.
  2. "Statement by Hon. Premier DD Mabuza on the new Executive Council of Mpumalanga province" (in Engels). South African Government. 30 Mei 2014. Geargiveer vanaf die oorspronklike op 6 Junie 2020. Besoek op 6 Junie 2020.
  3. "First female Mpumalanga Premier sworn in" (in Engels). SABC News. 20 Maart 2018. Geargiveer vanaf die oorspronklike op 6 Junie 2020. Besoek op 6 Junie 2020.
  4. "Mpumalanga premier Refilwe Mtsweni bids to control ANC" (in Engels). City Press. 28 Mei 2019. Geargiveer vanaf die oorspronklike op 6 Junie 2020. Besoek op 6 Junie 2020.

Eksterne skakels[wysig | wysig bron]