Panyaza Lesufi

in Wikipedia, die vrye ensiklopedie
Jump to navigation Jump to search
Panyaza Lesufi

LUR vir onderwys in Gauteng

Persoonlike besonderhede
Gebore Andrek Panyaza Lesufi
4 September 1968 (1968-09-04) (51 jaar oud)
Edenvale, Transvaal
Politieke party African National Congress

Andrek Panyaza Lesufi (gebore 4 September 1968 in Edenvale, Transvaal)[1] is 'n Suid-Afrikaanse politikus en lid van die uitvoerende raad (LUR) vir onderwys in Gauteng, Suid-Afrika[2] en ondervoorsitter van die African National Congress (ANC) in daardie provinsie.[1] Tydens die eerste twee jaar van Lesufi se eerste termyn as LUR van onderwys in Gauteng het die persentasie leerders in daardie provinsie wat matriek slaag van 74% in 2014 tot 69% in 2016 afgeneem terwyl die persentasie leerders wat fisiese wetenskap slaag van 76% tot 69% gedaal het.[3] Hy is in 2019 deur die premier van Gauteng, David Makhura, vir 'n tweede termyn in hierdie amp heraangestel.[2]

Afrikaans[wysig | wysig bron]

Lesufi word gesien as vyandig teenoor Afrikaans.[3][4][5] Lesufi het op 1 November 2018 tydens 'n mediakonferensie in Johannesburg erken dat Afrikaanse skole in Gauteng deur die provinsiale onderwysdepartment gedwing word om Engelse klasse in te neem.[6][7]

Wit mense[wysig | wysig bron]

In Junie 2019 het Lesufi na wit leerlinge as "klein basies" verwys.[8] In reaksie hierop het die Vryheidsfront Plus (VF+) 'n amptelike versoek aan die Gautengse wetgewer se integriteitskommissaris gerig om Lesufi se uitlatings te ondersoek.[8] Volgens Anton Alberts, woordvoerder van die VF+, is Lesufi se uitlatings ongrondwetlik en skend dit twee klousules van die Gautengse wetgewer se gedragskode.[8]

Afrikaners[wysig | wysig bron]

Lesufi beywer hom vir die herbenaming van skole in Gauteng wat na Afrikanerleiers vernoem is.[9] Volgens Lesufi is dít nodig om 'n nierassige onderwysstelsel in Suid-Afrika te verwesenlik.[9]

Verwysings[wysig | wysig bron]

  1. 1,0 1,1 (en) LUR-profiel van Panyaza Lesufi. Gauteng-provinsie. URL besoek op 9 Junie 2019.
  2. 2,0 2,1 (af) Strydom, Nico (31 Mei 2019). Lesufi weer LUR vir onderwys. Maroela Media. URL besoek op 9 Junie 2019.
  3. 3,0 3,1 (af) Heyns, Tania (31 Mei 2019). ‘Herroeping van Lesufi beteken niks goeds vir Afrikaans’. Maroela Media. URL besoek op 9 Junie 2019.
  4. (af) Cornelissen, Christel (7 Junie 2019). Afrikaanse Taalraad: ‘Afrikaanses moet uitreik’. Maroela Media. URL besoek op 9 Junie 2019.
  5. African News Agency (23 Augustus 2019). Hoërskool Hendrik Verwoerd amptelik herdoop. Maroela Media. URL besoek op 23 Augustus 2019.
  6. (af) Van Rooyen, Morné (1 November 2018). ‘Talle Afrikaanse skole gedwing om in Engels te onderrig’. Maroela Media. URL besoek op 9 Junie 2019.
  7. (af) Onduidelik hoeveel skole Lesufi werklik gebou het. Maroela Media (4 November 2018).
  8. 8,0 8,1 8,2 Kommissaris versoek om Lesufi-uitlatings te ondersoek. Maroela Media (18 Junie 2019). URL besoek op 22 Mei 2019.
  9. 9,0 9,1 Panyaza Lesufi en die skoolnaam dwaalspoor. Maroela Media (2 Augustus 2019). URL besoek op 2 Augustus 2019.

Eksterne skakels[wysig | wysig bron]