Panyaza Lesufi
| Panyaza Lesufi | |
 Lesufi in 2014 | |
Premier van Gauteng
| |
| Ampsbekleër | |
| Termynaanvang 6 Oktober 2022 | |
| Voorafgegaan deur | David Makhura |
|---|---|
Gautengse LUR vir Onderwys
| |
| Ampstermyn 31 Mei 2019 – 5 Oktober 2022 | |
| Ampstermyn 23 Mei 2014 – 29 Mei 2019 | |
| Voorafgegaan deur | Barbara Creecy |
| Opgevolg deur | Nomantu Nkomo-Ralehoko (1 dag) |
Gautengse LUR vir Maatskaplike Ontwikkeling (Waarnemend)
| |
| Ampstermyn 5 November 2019 – 19 Junie 2020 | |
| Premier | David Makhura |
| Voorafgegaan deur | Thuliswa Nkabinde-Khawe |
| Opgevolg deur | Nomathemba Mokgethi |
Gautengse LUR vir Finansies en e-Regering
| |
| Ampstermyn 30 Mei 2019 – 31 Mei 2019 | |
| Premier | David Makhura |
| Voorafgegaan deur | Barbara Creecy |
| Opgevolg deur | Nomantu Nkomo-Ralehoko |
Lid van die Gauteng provinsiale wetgewer
| |
| Ampsbekleër | |
| Termynaanvang 21 Mei 2014 | |
Persoonlike besonderhede
| |
| Gebore | Andrek Lesufi 4 September 1968 Edenvale, Transvaal |
| Politieke party | African National Congress |
| Alma mater | Universiteit van Natal |
Andrek "Panyaza" Lesufi (gebore 4 September 1968 in Edenvale, Transvaal)[1] is 'n Suid-Afrikaanse politikus wat in Oktober 2022 as die sewende premier van Gauteng aangestel is. Hy was voor dit die Lid van die Uitvoerende Raad (LUR) vir Onderwys in Gauteng en die ondervoorsitter van die African National Congress (ANC) in daardie provinsie.[1] Hy was ook kortliks LUR vir Finansies in Mei 2019, maar is gou weer na die onderwys-portefeulje geskuif. Na die afsterwe van Thuliswa Nkabinde-Khawe in November 2019 het hy ook as die waarnemende LUR vir maatskaplike ontwikkeling tot Junie 2020 gedien.
Vroeë lewe en opvoeding
[wysig | wysig bron]Lesufi is op 4 September 1968 in Edenvale in die destydse Transvaal gebore. Hy en sy gesin is weens die Groepsgebiedewet met geweld gedwing om na Tembisa te trek. Hy het sy skoolloopbaan by Tlamatlama Laer Primêre Skool begin. Kort daarna het hy aan Tshepisa Hoër Primêre Skool begin skool gaan voordat hy aan Boitumelong Senior Sekondêre Skool gematrikuleer het.[1] Aan die Universiteit van Natal het hy 'n baccalaureusgraad in bedryfsadministrasie behaal. Hy het die bynaam "Panyaza" gekry weens sy liefde vir sokker.[2]
Politieke loopbaan
[wysig | wysig bron]Lesufi het sy politieke aktivisme tydens sy tienerjare in Tembisa begin. Kennedy Nkoane het hom aangemoedig om by die anti-apartheidsbeweging aan te sluit. Sy broer, Nikisi, het uit die tronk ontsnap en van Suid-Afrika gevlug om by die African National Congress aan te sluit.[3] Panyaza was lid van talle anti-apartheidsorganisasies insluitend die Kongres van Suid-Afrikaanse Studente (COSAS), die Tembisa Studentekongres (TESO), die United Democratic Front (UDF) en die Nasionale Onderwyskrisiskomitee. Hy was die president van die Universiteit van Natal se studenteraad. In 1989 is hy in hegtenis geneem en na die Modderbee-gevangenis gestuur.[1] Hy is in 1995 weer gearresteer en na die Durban City-gevangenis gestuur.[1]
Na die ontbanning van die ANC, het hy vir drie termyne as voorsitter van die ANC-tak in Tembisa gedien. Hy was vir nege jaar lank die adjunk-streekvoorsitter van die party se Kyalami-streek. Hy was die eerste adjunk-streeksekretaris van die ANC Ekurhuleni-streek.[1] Sedert 2007 dien hy op die party se Provinsiale Uitvoerende Komitee. In Junie 2018 is hy as die party se provinsiale adjunkvoorsitter verkies.[4]
Lesufi was die woordvoerder van die eerste burgemeester Ekurhuleni, Bavumile Vilakazi. Hy was destyds deel van 'n taakspan wat deur die Minister van Maatskaplike Ontwikkeling, Zola Skweyiya, saamgestel is om die Suid-Afrikaanse agentskap vir maatskaplike sekerheid (SASSA) te stig.[1] Hy het ook vir die minister van polisie Nathi Mthethwa gewerk en kort daarna in 2014 het hy by die departement van basiese onderwys betrokke geraak.[5]
Gautengse provinsiale regering
[wysig | wysig bron]In Mei 2014 is Lesufi tot die Gauteng provinsiale wetgewer verkies. Premier David Makhura het hom tot die pos van provinsiale LUR vir Onderwys benoem. Na sy herverkiesing in Mei 2019 het Makhura hom as die LUR vir Finansies en e-Regering aangewys.[6] 'n Dag later het Makhura hom teruggeskuif na die onderwys-portefeulje as gevolg van openbare protes.[7] Na die afsterwe van Thuliswa Nkabinde-Khawe in November 2019 het Makhura hom as waarnemende LUR vir Maatskaplike Ontwikkeling aangestel.[8]
Verwysings
[wysig | wysig bron]- ↑ 1,0 1,1 1,2 1,3 1,4 1,5 1,6 "LUR-profiel van Panyaza Lesufi". Gauteng-provinsie (in Engels). Geargiveer vanaf die oorspronklike op 29 Mei 2019. Besoek op 9 Junie 2019.
- ↑ Taunyane, Omogolo (6 Mei 2019). Panyaza Lesufi: Gauteng education MEC, soccer fanatic, Ngud' groover (Engels). 702.co.za. URL besoek op 2020-08-06.
- ↑ Mukwevho, Victor (10 Junie 2014). "Lesufi appointed MEC". KemptonExpress. Besoek op 6 Augustus 2020.
- ↑ Umraw, Amil (21 Julie 2018). "Panyaza Lesufi wins Gauteng ANC deputy chair position". TimesLIVE. Besoek op 6 Augustus 2020.
- ↑ Krige, Nick (29 Mei 2019). "Panyaza Lesufi: Is he qualified to be Gauteng's new finance MEC?". The South African. Besoek op 6 Augustus 2020.
- ↑ Sicetsha, Andile (29 Mei 2019). "Premier David Makhura unveils Gauteng's new Cabinet". The South African. Besoek op 6 Augustus 2020.
- ↑ "Lesufi back as education MEC". News24. 31 Mei 2019. Besoek op 6 Augustus 2020.
- ↑ Jordaan, Nomahlubi (5 November 2019). "'It's an honour', says Lesufi after being named acting social development MEC". TimesLIVE. Besoek op 6 Augustus 2020.
Eksterne skakels
[wysig | wysig bron]- (en) Amptelike webwerf
- (en) Panyaza Lesufi op Public People
- (en) Panyaza Lesufi op Facebook
- (en) Panyaza Lesufi op Twitter
 |  | ||