Oscar Mabuyane

in Wikipedia, die vrye ensiklopedie
Jump to navigation Jump to search
Oscar Mabuyane

Ampsbekleër
Termynaanvang
22 Mei 2019
Voorafgegaan deur Phumulo Masualle

Ampsbekleër
Termynaanvang
19 Februarie 2018

Provinsiale voorsitter van die African National Congress
Ampsbekleër
Termynaanvang
1 Oktober 2017
Vise Mlungisa Mvoko
Voorafgegaan deur Phumulo Masualle

Persoonlike besonderhede
Gebore Lubabalo Oscar Mabuyane
24 Februarie 1974 (1974-02-24) (46 jaar oud)
Engcobo, Kaapprovinsie, Suid-Afrika
Nasionaliteit Suid-Afrikaner
Politieke party African National Congress
Eggenoot/eggenote Siyasanga
Kind(ers) 3
Alma mater Universiteit van Fort Hare

Lubabalo Oscar Mabuyane (gebore 24 Februarie 1974) is 'n Suid-Afrikaanse ekonoom en politikus wat die huidige premier van die Oos-Kaap is. Hy is in Mei 2019 as premier verkies, en is ook 'n lid van die Oos-Kaapse provinsiale wetgewer. Van 2018 tot 2019 het hy as die provinsie se LUR vir finansies en ekonomiese geleenthede gedien. Mabuyane is 'n lid van die African National Congress (ANC) en die party se provinsiale voorsitter.

Vroeë lewe en opvoeding[wysig | wysig bron]

Mabuyane is op 24 Februarie 1974 in Engcobo in die noordooste van die destydse Kaapprovinsie gebore. Hy het aan die Hoërskool Lekoa Shandu in Sharpeville in die Transvaal gematrikuleer. Hierna het hy aan die Universiteit van Fort Hare gestudeer en 'n BCom in ekonomie behaal. Hy is tans besig met sy meestersgraad in openbare administrasie by dieselfde universiteit.[1]

Mabuyane het van 2002 tot 2005 in die kantoor van die destydse LUR Enoch Godongwana gewerk. In 2005 is hy as 'n besturende direkteur by Ikamva Consulting aangestel.[1]

Politieke loopbaan[wysig | wysig bron]

Mabuyane was 'n lid van beide die South African Students’ Congress (SASCO) en ANC-jeugliga (ANCYL) en het senior posisies in beide organisasies beklee. In Oktober 2017 is hy as die provinsiale voorsitter van die African National Congress verkies. Hy het die huidige voorsitter Phumulo Masualle uitgestof met 'n verrassende wen van 931 teen Masualle se 7.[2]

In Februarie 2018 is hy as lid van die Oos-Kaapse provinsiale wetgewer ingehuldig. Hy is toe as LUR van finansies en ekonomiese geleenthede in Mei 2018 aangestel. Na die Suid-Afrikaanse algemene verkiesing van 2019 het die nasionale ANC hom as die nuwe provinsiale premier aangewys. Hy het die amp op 22 Mei 2019 aanvaar.[3]

Verwysings[wysig | wysig bron]

  1. 1,0 1,1 Hon Premier Lubabalo Oscar Mabuyane. Besoek op 2 Junie 2020.
  2. ANC se Oos-Kaap kies voorsitter. Maroela Media. 1 Oktober 2017. Besoek op 2 Junie 2020.
  3. Hiér is land se nuwe premiers. Maroela Media. 22 Mei 2019. Besoek op 2 Junie 2020.

Eksterne skakels[wysig | wysig bron]