Republic F-84 Thunderjet

in Wikipedia, die vrye ensiklopedie
Jump to navigation Jump to search
Republic F-84 Thunderjet
F-84E of 9th Fighter-Bomber Squadron in Korea.jpg
F-84E Thunderjet
Tipe Vegvliegtuig/bomwerper
Vervaardiger Republic Aviation
Nooiensvlug 28 Februarie 1946
Hoofgebruiker United States Army Air Forces
Aantal gebou 7 524
Weergawes Republic F-84 Thunderstreak

Die Republic F-84 Thunderjet is die eerste vegvliegtuig wat Amerika na die Tweede Wêreldoorlog gebou het. Produksie het in Junie 1947 begin, dit was ook eerste vegvliegtuig wat 'n kernwapen kon dra. Die was ook die laaste Amerikaanse subsoniese vegvliegtuig met reguit vlerke.

Die F-84 het gou die algemene metgeselvegvliegtuig in die Amerikaanse Lugmag se Strategic Air Command bomwerpermag geword. Die vliegtuig het ook 'n pionierrol gespeel by in-vlughervulling. Gedurende Augustus 1953 het F-84G's vanaf die Turnerlugmagbasis in Georgia, V.S.A. tot by die Britse Lugmag se basis in Lakenheath, Verenigde Koninkryk, gevlieg sonder om te land, 'n tog van 7 216 km. Hulle brandstof is hervul deur Strategic Air Command se KC-97 tenkers. Die operasie het die kodenaam Longstride gehad en was bedoel om die Thunderjet se langtogvermoë te demonstreer. Na afloop van die operasie was dit die langste ononderbroke tog vir 'n gros vegter-bomwerper nog asook die langste ononderbroke afstand vir 'n enkelmotorige vegvliegtuig.

Die Thunderjet was gebruik in twee projekte om beskerming te bied aan Convair B-36 Peacemaker bomwerpers.

Hierdie vliegtuig het baie aksie gesien tydens die Korea-oorlog; hulle is in Desember 1950 in diens gestel daar. Aanvanklik was hulle gebruik om die Boeing B-29 Superfortress te vergesel maar later meer en meer gebruik vir grondaanvalle. Na verwoestende aanvalle op damme op 13 en 16 Mei 1953 was alle elektrisiteit voorsiening van Noord-Korea verwoes.

Vlieëniers van Thunderjet's het altesaam 86,408 missies gevlieg, 15,370 ton bomme losgelaat en 105 Mig vegvliegtuie afgeskiet. Verdere ontwikkeling van die Thunderjet het geleo tot die Republic F-84 Thunderstreak.

Sien ook[wysig | wysig bron]

Bron[wysig | wysig bron]