Richard Dreyfuss

in Wikipedia, die vrye ensiklopedie
Jump to navigation Jump to search
Richard Dreyfuss
'n Beeld van die betrokke persoonlikheid.
Dreyfuss in 2013 by die Cannes-rolprentfees.

Geboortenaam Richard Stephen Dreyfus[1]
Geboorte 29 Oktober 1947 (1947-10-29) (72 jaar oud)
Brooklyn, New York, VSA
Nasionaliteit Amerikaans
Beroep(e) Akteur
Aktiewe jare 1964-hede
Internet-rolprentdatabasis-profiel

Richard Dreyfuss (geb. 29 Oktober 1947) is ’n Amerikaanse akteur wat veral bekend is vir sy rolle in American Graffiti, Jaws, Close Encounters of the Third Kind en The Goodbye Girl.

Dreyfuss het die Oscar vir beste akteur in 1977 gewen vir The Goodbye Girl en is in 1995 benoem vir Mr. Holland's Opus. Hy het ook ’n Golden Globe en Bafta gewen en is in 2002 vir twee Screen Actors Guild-pryse benoem.

Vroeë lewe[wysig | wysig bron]

Dreyfuss is as Richard Stephen Dreyfus[1] in Brooklyn, New York, gebore as die seun van Norman, ’n prokureur en restaurateur, en Geraldine, ’n vredesaktivis.[2] Sy pa het nie van New York gehou nie en het saam met die gesin na Europa getrek en toe Dreyfuss nege was, na Los Angeles.[3][4] Dreyfuss het aan die Hoërskool Beverly Hills skoolgegaan.[4]

Loopbaan[wysig | wysig bron]

Dreyfuss en Allan Carr in 1989.

Dreyfuss het in sy jeug begin toneelspeel in die Beverly Hills Joodse Sentrum.[4] Hy het op 15 in die TV-produksie In Mama's House gespeel, en ná skool ’n paar klein rolle vertolk in onder meer Peyton Place en The Big Valley. In die laat 1960's en vroeë 1970's was hy ook op Broadway en Off-Broadway te sien. In 1972 het Dreyfuss saam met Henry Fonda, Gloria Grahame, Ron Thompson en ander verskyn in die toneelstuk The Time of Your Life.

Sy rolprentdebuut was in ’n klein rol in The Graduate, waarvoor hy geen krediet gekry het nie. Sy eerste groot rol was in die 1973-treffer American Graffiti, saam met ander toekomstige sterre soos Harrison Ford en Ron Howard.[4] Sy eerste hoofrol het hy gespeel in die Kanadese prent The Apprenticeship of Duddy Kravitz (1974). Die volgende jaar het hy in nog twee treffers, Jaws (1975) en Close Encounters of the Third Kind (1977), gespeel wat albei deur Steven Spielberg geregisseer is. In 1978 het hy die Oscar vir beste akteur gewen vir sy uitbeelding van ’n sukkelende akteur in The Goodbye Girl (1977). Hy was toe 30 jaar oud en die jongste akteur wat ’n Oscar gewen het.[4] Die rekord het 25 jaar lank gestaan tot dit in 2003 deur Adrien Brody gebreek is.

Omstreeks 1978 het Dreyfuss kokaïen gereeld begin gebruik en vier jaar later is hy in hegtenis geneem vir die besit van die dwelm nadat hy sy bewussyn verloor het terwyl hy bestuur het en sy motor ’n boom getref het.[4][5] Ná tyd in ’n rehabilitasiekliniek het hy sy terugkeer gemaak in Down And Out In Beverly Hills (1986)[4] en Stakeout (1987).

In 1989 het weer saam met Spielberg gewerk, dié keer aan Always. Hy het in 1991 saam met Bill Murray in die komedie What About Bob? gespeel. In dieselfde jaar was hy die vervaardiger van Prisoner of Honor, waarin hy ook gespeel het. Dreyfuss is vir ’n Oscar en Golden Globe benoem vir sy spel as Glenn Holland in Mr. Holland's Opus (1995).[4] In die 2000's het hy nog verskeie rolle in rolprente, op TV en op die verhoog vertolk.

In November 2004 het Dreyfuss weens gesondheidsprobleme onttrek aan die Londense musiekblyspel The Producers.[6] In 2006 was hy een van die oorlewendes in die rolprent Poseidon. In 2008 het hy die rol vertolk van die Amerikaanse visepresident Dick Cheney in Oliver Stone se biografieprent oor George W. Bush met die naam W.[7]

Hy het ’n ster op die Hollywood Walk of Fame[8] en was saam met 99 ander sterre by die "2012 Academy Awards – Night of 100 Stars".

Persoonlike lewe[wysig | wysig bron]

Dreyfuss is vroeg in die 1980's getroud met die skrywer en vervaardiger Jeramie Rain. Hulle het drie kinders gehad: Emily (1983), Benjamin (1986) en Harry (1990). Benjamin is met ’n seldsame oogsiekte gebore wat hom eindelik blind in sy linkeroog gelaat het. Die egpaar is in 1995 geskei en in 1999 is hy met Janelle Lacey getroud. Hulle is in 2005 geskei.[9]

In 2006 is Dreyfuss met die Russies gebore Svetlana Erokhin getroud en hulle woon sedertdien in San Diego.

Filmografie[wysig | wysig bron]

Jaar Rolprent Rol Notas
1966 Bewitched Rodney TV
1967 Valley of the Dolls Assistant-verhoogbestuurder Nie op naamrol
1968 The Young Runaways Terry
1969 Hello Down There Harold Webster
1973 American Graffiti Curt Henderson Golden Globe-benoeming
1973 Dillinger Baby Face Nelson
1974 The Apprenticeship of Duddy Kravitz Duddy
1974 The Second Coming of Suzanne Clavius
1975 Inserts The Boy Wonder
1975 Jaws Matt Hooper BAFTA-benoeming
1976 Victory at Entebbe Kol. Yonatan "Yonni" Netanyahu
1977 Close Encounters of the Third Kind Roy Neary Saturn-benoeming
1977 The Goodbye Girl Elliott Garfield Oscar vir beste akteur
BAFTA vir akteur in ’n hoofrol
Golden Globe vir beste akteur in ’n musiekspel of komedie
Kansas City Film Critics Circle-prys
Los Angeles Film Critics Association-prys
1978 The Big Fix Moses Wine Ook vervaardiger
1980 The Competition Paul Dietrich Golden Raspberry-benoeming vir swakste akteur
1981 Whose Life Is It Anyway? Ken Harrison
1986 Down and Out in Beverly Hills David "Dave" Whiteman
1987 Stakeout Speurder Chris Lecce
1987 Nuts Aaron Levinsky Golden Globe-benoeming
1988 Moon Over Parador Jack Noah/pres. Alphonse Simms
1990 Rosencrantz & Guildenstern Are Dead The Player Pasinetti-prys vir beste akteur, Venesiese Rolprentfees
1990 Postcards from the Edge Dr. Frankenthal
1991 What About Bob? Dr. Leo Marvin
1993 Lost in Yonkers Louie Kurnitz
1993 Another Stakeout Speurder Chris Lecce
1995 The American President Sen. Bob Rumson
1995 Mr. Holland's Opus Glenn Holland Oscar-benoeming
Golden Globe-benoeming
1997 Oliver Twist Fagin TV; ook vervaardiger
1999 Lansky Meyer Lansky
2006 Poseidon Richard Nelson
2008 W. Dick Cheney
2009 My Life in Ruins Irv
2010 Piranha 3D Matthew Boyd Kamee
2010 RED Alexander Dunning
2013 Very Good Girls Danny
2013 Paranoia Francis Cassidy

Verwysings[wysig | wysig bron]

  1. 1,0 1,1 Usborne, David (2009-01-31). "Richard Dreyfuss: Out of the wreckage". Londen: The Independent. Besoek op 2009-01-31.
  2. Film Reference.com-biografie
  3. "Richard Dreyfuss biography and filmography". Tribute. URL besoek op 3 Oktober 2011.
  4. 4,0 4,1 4,2 4,3 4,4 4,5 4,6 4,7 Op Inside the Actors Studio, 2000
  5. MTV.com Biography
  6. Adam, Karla. "My musical hell". The Guardian. 21 Januarie 2005
  7. "Richard Dreyfuss is Dick Cheney". comingsoon.net. The Hollywood Reporter. 22 Mei 2008
  8. Hollywood Walk of Fame; Hollywood Chamber of Commerce
  9. Schindehette, Susan. "Risen from the Ashes, Richard Dreyfuss Faces His Family's Pain with Strength, Not Self-Pity", People 4 Maart 1991

Eksterne skakels[wysig | wysig bron]