Rio Araguaia

in Wikipedia, die vrye ensiklopedie
Rio Araguaia
Die Rio Araguaia in Augustus 2004
Die Rio Araguaia in Augustus 2004
Die Rio Araguaia in Augustus 2004

Die stroomgebied van die Rio Araguaia en die Rio Tocantins.

Oorsprong Serra dos Caiapós, Goiás (Brasilië)
Monding naby São João do Araguaia, Brasilië
Rio Tocantins
Stroomgebied Brasilië (Goiás, Mato Grosso, Tocantins, Pará)
Lengte 1 910 km (1 187 myl)[1]
Oorspronghoogte 760 m (2 493 vt)
Mondinghoogte 89 m (292 vt)
Gemiddelde afloop 6 172 m³/s (217 962 vt³/s)[2]
Stroomgebiedopp. 384 800 km²[3]

Die Rio Araguaia [ˈʁi.u ɐɾɐˈɡwaj.jɐ] is 'n groot noord-vloeiende rivier in Suid-Amerika. Die rivier, met 'n lengte van 1 910 km, is die vyfde langste rivier in Brasilië na die Amasonerivier, die Río Paraná, die Rio São Francisco en die Rio Tocantins, en die derde langste rivier, wat net in dié land vloei. Die Rio Araguaia is die grootste sytak van die Rio Tocantins. Die naam van die rivier beteken "Rivier van die (rooi) Aras" in die inheemse Tupi-taal.

'n Boom in die Araguaia Nasionale Park tydens oorstroming
Die Rio Javaés, die reger sytak van die Rio Araguaia, saam met die Ilha do Bananal naby Formoso do Araguaia, Tocantins
Satellietbeeld van die Ilha do Bananal se noordelike einde soos in 1992 opgeneem

Die Rio Araguaia vloei deur die volgende deelstate: Goiás, Mato Grosso, Tocantins en Pará. Dit ontspring naby die driehoek van die deelstate Goiás, Mato Grosso do Sul en Mato Grosso. Aansluitend vorm die rivier die grens tussen Mato Grosso in die weste en Goiás, later Tocantins in die ooste, verder noord tussen Pará in die weste en Tocantins in die ooste. Later mond die Rio Araguaia naby São João do Araguaia in die Rio Tocantins uit, wat verder noord naby Belém in die Atlantiese Oseaan uitmond.

In sy breë middelloop verdeel die Rio Araguaia in twee arme, wat later weer saamvloei en die Ilha do Bananal (Portugees vir: "Piesang-eiland") vorm, die wêreld se grootste riviereiland. Hier is die Araguaia Nasionale Park geleë, waar die inheemse Karajá-volk leef.

Sytakke[wysig | wysig bron]

Die grootste sytakke (stroomaf):[4]

Regter sytakke Linker sytakke
  • Rio Diamantino
  • Rio das Garcas
  • Rio Cristalino
  • Rio das Mortes
  • Ribeirâo Crisóstomo
  • Ribeirâo Beleza
  • Ribeirâo Santana
  • Campo Alegre
  • Rio Inajá
  • Ribeirâo Santa Maria
  • Rio Babilônia
  • Rio Caiapó
  • Rio Claro
  • Rio Vermelho
  • Rio do Peixe
  • Rio Crixás-Açu
  • Rio Javaés of Braço Menor do Araguaia (Sytak regs of oostelik van die Ilha do Bananal)
  • Rio do Cóco
  • Rio Caiapo
  • Rio Piranhas
  • Rio Bananal
  • Rio Muricizal
  • Rio Lontra
  • Rio Cordâ
  • Rio Piranha

Verwysings[wysig | wysig bron]

  1. (en) Ziesler, R.; Ardizzone, G.D. (1979). "Amazon River System". The Inland waters of Latin America. Food and Agriculture Organization of the United Nations. ISBN 92-5-000780-9. Geargiveer vanaf die oorspronklike op 21 Oktober 2013. Besoek op 28 Februarie 2015.
  2. (en) River Discharge Database
  3. (pt) Ministério do meio ambiente, Secretaria de recursos hídricos: Programa de estruturação institucional para a consolidação da política nacional de recursos hídricos – BRA/OEA/01/002 (PDF; 8.5 MB), 2006 (bl. 6)
  4. (de) Kümmerly+Frey Rand McNally: Internationaler Atlas. Georg Westermann Verlag. ISBN 3-07-508962-1

Eksterne skakels[wysig | wysig bron]