Robert se Kwartet

in Wikipedia, die vrye ensiklopedie
Robert se Kwartet
Soort Sterrestelselgroep
Sterrebeeld Feniks
Waarnemingsdata (Epog J2000)
Regte klimming 0h 21m 23.075s
Deklinasie -48° 37.75′ 39.5″
Helderste stelsel NGC 92
Aantal stelsels 4
Ander name
AM 0018-485
Portaal Portaalicoon Sterrekunde

Robert se Kwartet is ’n kompakte sterrestelselgroep sowat 160  miljoen ligjare van die Aarde af in die sterrebeeld Feniks. Dit bestaan uit vier uiteenlopende sterrestelsels wat besig is om te bots en saam te smelt. Die stelsels is NGC 87, NGC 88, NGC 89 en NGC 92, wat in die 1830's deur John Herschel ontdek is.

Die kwartet is een van die beste voorbeelde van kompakte groepe sterrestelsels. Omdat sulke groepe vier tot agt sterrestelsels in ’n baie klein streek bevat, is hulle ideaal vir die bestudering van galaktiese wisselwerkings en die invloed wat dit het, veral op die vorming van nuwe sterre. Die groep het ’n totale skynbare magnitude van amper 13. Die helderste stelsel het ’n skynbare magnitude van sowat 14. Die vier stelsels lê almal in ’n sirkel met ’n radius van 1,6  boogminute (sowat 75  000 ligjare).

Lede[wysig | wysig bron]

Die grootste lid van Robert se Kwartet is NGC 92, n spiraalsterrestelsel met n ongewone voorkoms.
Lede van Robert se Kwartet
Naam Tipe Afstand van die Son af
(in miljoen ligjare)
Magnitude
NGC 87 IBm pec. ~160 +14,5
NGC 88 SB(rs)a pec. ~160 +15,21
NGC 89 SB0(s)a pec. ~160 +14,57
NGC 92 SAa pec. ~160 +14,29

Sien ook[wysig | wysig bron]

Eksterne skakels[wysig | wysig bron]

Koördinate: Sky map 00h 21m 23.075s, −48° 37.75′ 39.5″