Rotifera

in Wikipedia, die vrye ensiklopedie
Jump to navigation Jump to search
Rotifera
Tydperk: Eoseen – tans, 56–0 m. jaar gelede
Wetenskaplike klassifikasie
Domein: Eukaryota
Koninkryk: Animalia
Superfilum: Platyzoa
Filum: Rotifera
Cuvier, 1798

Rotifera, of die raderdiertjies, is ’n filum van mikroskopiese en byna-mikroskopiese diertjies met ’n pseudoseloom (skynbuikholte). Hulle is vir die eerste keer in 1696 beskryf, deur eerw. John Harris. Ander vorme is later, in 1703, deur Antonie van Leeuwenhoek beskryf.[1]

Beskrywing[wysig | wysig bron]

Die meeste raderdiertjies is sowat 0,1–0,5 mm lank, hoewel hul lengte kan wissel van 50 μm tot meer as 2 mm.[2] Hulle kom wêreldwyd algemeen in varswateromgewings voor. Daar is ’n paar soutwaterspesies, byvoorbeeld die genus Synchaeta.

Sommige is vryswemmend en eintlik plankton, terwyl ander op ’n substrata voortkruip of sittend is binne byvoorbeeld buise wat aan ’n substrata vas is. Sowat 25 spesies is koloniaal, soos Sinantherina semibullata. Raderdiertjies is ’n belangrike deel van die varswatersoöplankton: hulle is ’n groot voedselbron en baie spesies dra by tot die ontbinding van organiese materiaal.[3] Die meeste kom globaal voor, maar daar is sommige inheemse spesies, soos Cephalodella vittata in die Baikalmeer.[4]

Verwysings[wysig | wysig bron]

  1. Harmer, Sidney Frederic & Shipley, Arthur Everett (1896). The Cambridge Natural History. The Macmillan company. p. 197. Besoek op 2008-07-25. 
  2. Howey, Richard L. (1999). "Welcome to the Wonderfully Weird World of Rotifers". Micscape Magazine. Besoek op 2010-02-19. 
  3. "Rotifers". FreshwaterLife. Besoek op 2010-02-19. 
  4. Hendrik Segers (2007). Annotated checklist of the rotifers (Phylum Rotifera), with notes on nomenclature, taxonomy

Eksterne skakels[wysig | wysig bron]