Serengeti

in Wikipedia, die vrye ensiklopedie
Jump to navigation Jump to search
Serengeti*
Unesco-wêrelderfenisgebied

Vultures and Marabou Stork in Serengeti.jpg
Aasvoëls en maraboes in die Serengeti
Ligging van Serengeti op 'n kaart (Tanzanië)
Serengeti
Serengeti
Ligging van die Serengeti in Tanzanië
Koördinate: 2°19′51″S 34°50′0″O / 2.33083°S 34.83333°O / -2.33083; 34.83333Koördinate: 2°19′51″S 34°50′0″O / 2.33083°S 34.83333°O / -2.33083; 34.83333
Lande Vlag van Tanzanië Tanzanië
Tipe Natuur
Kriteria vii, x
Verwysings 156
Streek Afrika
Inskripsiegeskiedenis
Inskripsie 1981  (5de Sessie)
* Naam soos dit in die Wêrelderfenislys verskyn.
Streek soos deur Unesco geklassifiseer.
Die Serengeti

Die Serengeti is 'n geografiese streek van Afrika wat uit savannes en boslandskappe bestaan. Die streek strek oor die noorde van Tanzanië en die suide van Kenia en beslaan 'n oppervlakte van ongeveer 30 000 km². Tagtig persent van die gebied lê in Tanzanië, die gedeelde in Kenia staan ook as die Maasai Mara bekend. Die naam "Serengeti" is afgelei van die Maasai-taal (Siringet), en beteken letterlik "eindelose vlaktes".[1][2]

Daar leef ongeveer 1,6 miljoen plantetende en duisende roofdiere in die gebied. Die algemeenste diere in hierdie streek is die blouwildebees, Thomson-gaselle, bontkwagga en buffel.

Die streek is bekend vir die migrasie wat jaarliks om en by in Oktober plaasvind. Tydens hierdie migrasies trek miljoene plantetende diere vanaf die noordelike heuwels na die suidelike vlaktes. Hiertydens steek die diere die Mararivier oor. Na die reëns van April, trek hulle met 'n westelike ompad terug. Die verskynsel word 'n sirkelvormige migrasie genoem.

Die argeologies belangrike Olduvaikloof, waar van die oudste bekende menslike fossiele gevind is, is ook in die in Serengeti geleë.

Die Serengeti omvat (in Tanzanië) die Serengeti Nasionale Park, die Ngorongoro-krater en die Maswa Wildreservaat en (in Kenia) die Masai Mara Reservaat.

Verwysings[wysig | wysig bron]

  1. Briggs, Phillip (2006), Northern Tanzania: The Bradt Safari Guide with Kilimanjaro and Zanzibar, Bradt Travel Guides, p. 198, ISBN 978-1-84162-146-3 
  2. "Maa (Maasai) Dictionary". Darkwing.uoregon.edu. Besoek op 2010-10-23.

Eksterne skakels[wysig | wysig bron]