Blouwildebees

in Wikipedia, die vrye ensiklopedie
Spring na: navigasie, soek
Blouwildebees
Wetenskaplike klassifikasie
Koninkryk: Animalia
Filum: Chordata
Subfilum: Vertebrata
Klas: Mammalia
Orde: Artiodactyla
Familie: Bovidae
Genus: Connochaetes
Spesie: C. taurinus
Binomiale naam
Connochaetes taurinus
(Burchell, 1823)
██ C. t. taurinus██ C. t. cooksoni██ C. t. johnstoni██ C. t. albojubatus██ C. t. mearnsi
██ C. t. taurinus██ C. t. cooksoni██ C. t. johnstoni██ C. t. albojubatus██ C. t. mearnsi
Subspesies

C. t. taurinus, blouwildebees of Bridled Gnu
C. t. albojubatus, oostelike witbaardwildebees
C. t. cooksoni, Cookson-wildebees
C. t. johnstoni, Njassaland-wildebees
C. t. mearnsi, westelike witbaardwildebees

Die blouwildebees (Connochaetes taurinus) is 'n groot wildsbok wat aangetref word in die noordelike deel van Transvaal en ooswaarts tot teen die Swazilandgrens, Noord-Natal in Zoeloeland.

Habitat[wysig | wysig bron]

Blouwildebeeste verkies 'n oop boomveld-savanne met permanente oop water. Binne hierdie gebied sal hulle in valleie en teen berghange voorkom.

Gewoontes[wysig | wysig bron]

Blouwildebeeste kom in troppe van 20-30 voor. Tydens periodes van voedselskaarste sal groot samedrommings vorm om na beter weivelde te migreer.

Die sosiale struktuur bestaan uit territoriale bulle, koei- en bultroppe. Koeitroppe bestaan uit koeie met hul jongste kalwers. Hierdie troppe beweeg deur territoriale bulle se gebiede en gedurende die paartyd sal die bulle met bronstige koeie paar. Die gemiddelde teeltropgrootte in Oos-Afrika is 10 diere en die tuisgebied is ongeveer 2 500 ha.

Bultroppe is losser versamelings van volwasse en jong bulle wat uit koeitroppe verdryf is. Die diere bly aan die rand van die gebiede van koeitroppe wat gewoonlik die swakste veld is.

Bouwildebeeste rol hul pels gereeld teen sekere areas van hul habitat.

Voedsel[wysig | wysig bron]

Blouwildebeeste is grasvreters en verkies groen, kort gras. Die diere is lief om op pas gebrande veld te beweeg om groen grasspruite te benut.

Voortplanting[wysig | wysig bron]

Paartyd is van Maart tot Mei, met 'n spitskalfseisoen van November tot Desember. Die draagtyd is 8,5 maande, waarna 'n enkele kalf gebore word.

Sien ook[wysig | wysig bron]