Maagde-eilande

Maagde-eilande Inheemse naam: Virgin Islands
Ligging van die Maagde-eilande
Geografie
Ligging	Atlantiese Oseaan, Karibiese See
Koördinate	18°05′N 64°50′W
Argipel	Klein Antille
Oppervlakte	505 vk km
Administrasie
Verenigde Koninkryk
Oorsese gebied	Britse Maagde-eilande
Hoofstad	Road Town
Grootste stad	Road Town (9 400)
Verenigde State
Oorsese gebied	Amerikaanse Maagde-eilande
Hoofstad	Charlotte Amalie
Grootste stad	Charlotte Amalie (18 914)
Demografie
Bevolking	146 508

Die Maagde-eilande (Engels: Virgin Islands) bestaan uit die Amerikaanse Maagde-eilande, 'n eilandgebied van die Verenigde State van Amerika, en die Britse Maagde-eilande, 'n oorsese gebied van die Verenigde Koninkryk, tussen die Karibiese See en die Atlantiese Oseaan. Die Spaanse Maagde-eilande behoort sedert die Spaans-Amerikaanse Oorlog van 1898 tot die Amerikaanse eilandgebied Puerto Rico. Die eilande lê in die weste van Anguilla en in die ooste van Puerto Rico. Die Maagde-eilande het 'n bevolking van 146 508 inwoners in 2003 gehad het het 'n oppervlakte van 505 km². Die VS-dollar is in beide gebiede die amptelike geldeenheid.

Die eilande is deur Christophorus Columbus op 14 November 1493 ontdek en vir Spanje in besit geneem, maar die eilande is nie deur Spanjaarde bevolk nie. Sedert die 17de eeu was die eilande tussen Denemarke en Engeland opgedeel en somige eilande was tydelik in Nederlandse besit. 1917 het die VSA die Deense deel vir 25 miljoen VS-dollar gekoop.