Krokodilrivier (Mpumalanga)

Krokodilrivier Crocodile River
Krokodilrivier stroom-op van die Kwenadam Krokodilrivier stroom-op van die Kwenadam
Stroomgebied	Suid-Afrika
Hoofrivier	Komatirivier
Oorsprong	Steenkampsberg, noord van Dullstroom
Sytak -regs	Elandsrivier, Kaaprivier
Monding	Komatirivier
Krokodilrivier Plek waar die Krokodilrivier saamvloei met die Komatirivier op die Mosambiekgrens.
Koördinate: 25°26′18″S 31°58′35″O

Vir "Krokodilrivier", die sytak van die Limpopo, sien Krokodilrivier (Limpopo).

Oorsprong en roete

Die Krokodilrivier ontspring in die Steenkampsberge noord van Dullstroom, Mpumalanga, en is 'n takrivier van die Komatirivier. Dit staan ook bekend as die Krokodilrivier (Oos) om verwarring te voorkom met die Krokodilrivier in die weste van die ou Transvaal.

Krokodilrivier vanuit Marlothpark gesien.

Die Krokodilrivier in Mpumalanga het 'n opvangsgebied van 10 446 km². Stroomop is die gewilde forelhengelplekke rondom Dullstroom. Na die Kwenadam vloei die rivier deur Schoemanskloof, oor die Montrose-waterval na die Laeveldse landbougebied. Die stelselmatige afname in die volume van die rivier is waarskynlik a.g.v. wateronttrekking vir landboubesproeiing en natlei van vrugteboorde. Daarna vloei dit deur Nelspruit se nywerheidsgebied, dan langs die Krugerwildtuingrens en groot suikerrietplantasies, en naby Komatipoort vloei die rivier in die Komatirivier in.

Toerisme-aantreklikhede langs die Krokodil

Krokodilrivier vanuit Ngwenya Lodge gesien

Die rivier vorm die volle suidelike grens van die Krugerwildtuin. Die oewer verskaf uitstekende wildkyk-geleenthede, aangesien diere vrylik tussen die Krugerwildtuin en privaat reservate ten suide rondbeweeg.

Gewilde plekke sluit in:

1. Leopard Creek Gholfbaan, deur Gary Player ontwerp
2. Malelane Ruskamp in die Krugerwildtuin
3. Marlothpark (Landgoed en wildbewaringsgebied)
4. Ngwenya Lodge
5. Krokodilbrugruskamp in die Krugerwildtuin

Sytakke

• Bankspruit, Mpumalanga
• Elandsrivier, 'n sytak van die Krokodilrivier bekend vir sy baie watervalle, ontspring in die grasvlaktes op die plato van die Drakensberg naby Machadodorp.
• Hartebeesspruit
• Houtbosloop, monding N4 naby die Montrosepas.
• Kaaprivier monding N4 naby die Krugerwildtuin met sytakke:
  • Suidkaaprivier en Noordkaaprivier met sy sytak, die Queensrivier.
• Mbiyamitirivier (Krugerwildtuin)
  • sytak: Napispruit (Krugerwildtuin)
• Witrivier
  • sytak: Blinkwaterspruit

Eksterne skakels

• Riviere van Suid-Afrika (Engelse teks) (en)