Elma Potgieter: Verskil tussen weergawes

Afrikaanse Suid-Afrikaanse aktrise – Verjaardag [[19 Augustus]] Albei oupas het as [[Boere]] in die [[Anglo-BoeroorlogBoereoorlog]] teen [[Engeland]] geveg.

Grootword: Gebore in [[Klerksdorp]], [[Noordwes]]. Trek [[Johannesburg]] toe op nege en beland in haar vyfde skool, Jubileum Laerskool, waar sy haar eerste hoofrol in standerd vier speel en sing – die manlike hoofrol in die operette, Repelsteeltjie. Skryf matriek by Helpmekaar Hoër Meisieskool in Johannesburg. Slaag matriek op sewentien en sing die manlike hoofrol van Captain Corcoran in die Engelse opvoering van HMS Pinafore. Dieselfde jaar sing sy ook ‘n klein solorol as ‘n jong boeremeisie in Truk se opera, Die Huwelik van Figaro.

[[Universiteit van Pretoria]]: Voltooi haar BA-graad met [[Afrikaans]]/[[Nederlands]], [[Duits]], [[Frans]], [[Sielkunde]], [[Kunsgeskiedenis]]. Neem privaat drama- en sanglesse by [[Milla Louw]], Aletta Gericke, Albrecht Lewald en Sylvia Faktor. Begin werk as [[joernalis]] by [[Die Transvaler]] en [[Huisgenoot]] – doen dramaoudisies en begin in 1973 toneelspeel vir Kruik in [[Kaapstad]].

Oorklankingsregisseur, -akteur en –vertaler vir [[Suid-Afrikaanse Uitsaaikorporasie|SAUK TV]] van 1989 tot 1994 toe oorklanking afgeskaf is deur die nuwe bedeling. ‘n Hoogtepunt vir Elma was die opdrag om die Franse kunsfilm, Camille Claudel met [[Gérard DépardieuDepardieu]] en Isabel Adjani in Afrikaans te vertaal. Verhoogproduksie: 1980 – Stig ‘n vennootskap met verhoogregisseur Schalk Jacobsz om Afrikaanse professionele toneel in Johannesburg te promoveer – Die Bywoners Teaterproduksies.

Produksies: 1981 – Hallo & Koebaai! – Opstêrs by die Markteater in Johannesburg. Schalk se vertaling van Athol Fugard se Engelse stuk, Hello and Goodbye. Schalk Jacobsz speel Johnnie en Elma Potgieter sy prostituut-suster, Hester. Jan Engelen het die regie gedoen en George Luthuli die verhoogbestuur. 1982 – Hallo & Koebaai! – vir Freddy Philander se Windhoek Players in [[Namibië]]. 1983 – Darling Blossom – eenvrouvertoning met Elma Potgieter. 1986 – Die Wildsboudjie deur Frits Steyn vir die Johannesburgse Eeufees. Pieter Fourie van Kruik het die regie gedoen. Spelers was: Schalk Jacobsz, Cobus Rossouw, Ernst Eloff, Paul Malherbe, Johan Niemand, Albert Maritz, Elma Potgieter en Karin Retief. 1987 – Hoer of Heilige deur Corlia Fourie met Elma Potgieter en Karin Retief. Schalk Jacobsz doen die regie. Die produksie is opgevoer in die Pieter Roos-teater van die Johannesburgse Stadskouburg en in Bloemfontein. 1997 – Moervrug – ‘n verwerking deur Elma Potgieter van die novelle deur Engemi Ferreira, Die Jaar Toe My Ma Begin Sing Het. Schalk Jacobsz het die regie gedoen, die dekor ontwerp en gebou. Elma het ses karakters gespeel, drie mans en drie vroue en ontvang staande ovasies vir al die vertonings in die Witbankse stadskouburg waar die produksie vir drie weke aangebied is tydens ‘n fees van eenmanvertonings. 1998 – Die Bywoners is genooi om Moervrug by die eerste Aardklop Toneelfees in Potchefstroom aan te bied waar Elma weer staande ovasies ontvang het.