Steven Bochco

in Wikipedia, die vrye ensiklopedie
Jump to navigation Jump to search
Steven Bochco
'n Beeld van die betrokke persoonlikheid.
Bochco en Barbara Bosson in 1994

Geboorte 16 Desember 1943
New York Stad
Nasionaliteit Verenigde State
Lewensmaat Gabrielle Levin (1964–1969)
Barbara Bosson (1970–1997; 2 kinders)
Dayna Kalins (2000–nou)
Beroep(e) Draaiboekskrywer, vervaardiger
Internet-rolprentdatabasis-profiel

Steven Bochco (1943-) is ’n Amerikaanse draaiboekskrywer en vervaardiger van TV-programme. Hy het talle gewilde reekse ontwikkel, soos Hill Street Blues, LA Law, NYPD Blue en Murder One.[1] Hy was ook vir skouspelagtige flaters, soos Cop Rock, verantwoordelik.[2] Bochco het verskeie pryse vir sy werk ontvang, waaronder 'n Emmy vir sy skryfwerk in 1981 en in 1987.

Lewensloop[wysig | wysig bron]

Bochco is op 16 Desember 1943 in New York Stad van 'n Joodse gesin gebore. Sy ma was 'n skilderes en sy pa 'n violis. Bochco word aan die Manhattan High School of Music and Art opgelei en studeer daarna toneel en teater aan die Carnegie Institute for Technology in Pittsburgh. In 1966 verwerf hy sy BA in Beeldende Kunste.

Hy begin as 'n skrywer by Universal Studios en word later 'n redakteur. Hy werk onder andere aan TV-reekse soos Ironside, Columbo en MacMillan and Wife. Hy doen filmwerk en skryf die scenario vir die TV-fliek The Counterfeit Killers (1968). Hy werk ook aan Silent Running (1972) en Double Indemnity (1973). In 1978 begin hy by MTM Enterprises, waar hy ook 'n kans kry om te produseer.

Bochco was suksesvol met die TV-reeks Hill Street Blues vir NBC. Die reeks draai van 1981 tot 1987 met Bochco as mede-ontwikkelaar. Hy werk ook as skrywer en vervaardiger aan die reeks. Ondanks positiewe kritiek en talle onderskeidings was die reeks nooit regtig lonend nie. In 1985 is Bochco by MTM weggestuur ná die mislukking van die Bay City Blues-projek in 1983.

Vervolgens maak Bochco die reeks L.A. Law (1986–1994) vir NBC. Hy kry in 1987 'n lonende kontrak by ABC wat hy gebruik om sy eie maatskappy te stig en die reeks Doogie Howser, M.D. (1989–1993) en die flop Cop Rock (1990) te finansier. Hy kom later terug met die reeks NYPD Blue (1993), wat vir Amerikaanse gehore taamlik kontroversieel was. Daarna werk hy aan reekse soos Murder One, Brooklyn South en City of Angels. In 2005 bring hy die oorlogsreeks Over There saam met Chris Gerolmo uit. Die reeks handel oor 'n groep jong soldate aan die front in Irak.

Bochco trou in 1969 met aktrise Barbara Bosson, van wie hy in 1998 skei.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Carter, Bill (30 Januarie 1992). "'L.A. Law,' to Halt Slide, Reaches Back to Bochco". New York Times. Besoek op 2010-08-10.

Eksterne skakels[wysig | wysig bron]