Strykkwartet

in Wikipedia, die vrye ensiklopedie
Spring na: navigasie, soek
'n Strykkwartet

'n Strykkwartet is 'n musiekgroep van vier strykers – twee vioolspelers, 'n altvioolspeler en 'n tjellis. Dit word ook gebruik om te verwys na 'n musiekstuk wat uitgevoer word deur so 'n groep. Die strykkwartet is een van die mees prominente kamermusiekensembles in klassieke musiek. Die meeste van die groot komponiste het vanaf die middel tot die laat 18de eeu strykkwartette gekomponeer.

Die strykkwartet is in die 1750'd deur die Oostenrykse komponis Joseph Haydn ontwikkel en word sedertdien beskou as 'n gesogte musiekvorm. Dit is een van die moeilikste musikale vorms om te komponeer, en daar word gesê dat 'n komponis se ware musikale vermoë bepaal kan word deur hoe goed hy of sy musiek vir 'n strykkwartet kan skryf.[1]

Komponiste soos Wolfgang Amadeus Mozart, Ludwig van Beethoven en Franz Schubert skryf almal 'n aantal strykkwartette en dié musiekvorm floreer in die klassieke era. Dit was minder populêr later in die 19de eeu, deels as gevolg van komponiste soos Franz Liszt, Richard Wagner en Richard Strauss, wat wegbeeweg het van klassieke vorms, maar dit word herleef in die 20ste eeu deur onder andere die Tweede Weense Skool, Béla Bartók, Dmitri Sjostakowitsj en Elliott Carter. In die 21ste eeu is dit steeds 'n belangrike en verfynde musikale vorm.

Die standaard struktuur van 'n strykkwartet is vier bewegings, met die eerste beweging in sonatevorm, allegro, in die toniese sleutel; tweede beweging is 'n stadige beweging, in 'n verwante toonsoort; derde beweging is 'n menuet en trio, in die toniese sleutel; en die vierde beweging is dikwels in rondovorm of sonate-rondovorm, in die toniese sleutel.

Sommige strykkwartette speel vir jare lank saam, en word dikwels gernoem na die eerste violis (bv. die Takacs Quartet), 'n komponis (bv. die Borodin Quartet) of 'n plek (bv. die Budapest Quartet).

Musiekvideo's[wysig | wysig bron]

Verwysings[wysig | wysig bron]

Bronne[wysig | wysig bron]

  • Finscher, Ludwig: Joseph Haydn und seine Zeit (Laaber, Germany: Laaber, 2000).
  • Griesinger, Georg August: Biographical Notes Concerning Joseph Haydn (Leipzig: Breitkopf & Härtel, 1810/1963). Engelse vertaling deur Vernon Gotwals, in Haydn: Two Contemporary Portraits.
  • Griffiths, Paul: The String Quartet: A History (New York: Thames and Hudson, 1983); ISBN 0-500-01311-X.
  • Griffiths, Paul (1985). The String Quartet: A History, ?second, Thames and Hudson. ISBN 0-500-27383-9. .
  • Griffiths, Paul: "String Quartet", in: The New Grove Dictionary of Music and Musicians, edited by Stanley Sadie and John Tyrrell (London: Macmillan Publishers, 2001).
  • Rosen, Charles: The Classical Style: Haydn, Mozart, Beethoven (London: Faber & Faber, 1971); ISBN 0-571-10234-4 (sagteband), ISBN 0-571-09118-0 (hardeband).
  • Steinhardt, Arnold: Indivisible by Four (Farrar, Straus Giroux, 1998); ISBN 0-374-52700-8.
  • Webster, James & Feder, Georg: "Joseph Haydn", artikel in: The New Grove Dictionary of Music and Musicians (London & New York: Macmillan, 2001). Gepubliseer as 'n boek: The New Grove Haydn (New York: Macmillan 2002, ISBN 0-19-516904-2).
  • Wyn Jones, David: "The Origins of the Quartet", in Robin Stowell (ed.): The Cambridge Companion to the String Quartet (Cambridge: Cambridge University Press, 2003); ISBN 0-521-00042-4.
Hierdie artikel is in sy geheel of gedeeltelik vanuit die Engelse Wikipedia vertaal.