Suidelike rooibekneushoringvoël

Suidelike rooibekneushoringvoël
'n Wyfie in die Krugerwildtuin en roepopname te Dinokeng-wildtuin
Bewaringstatus
Not recognized (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Coraciiformes
Familie:	Bucerotidae
Subfamilie:	Bucerotinae
Genus:	Tockus
Spesie:	T. rufirostris
Binomiale naam
Tockus rufirostris Sundevall, 1850

Die Suidelike rooibekneushoringvoël (Tockus rufirostris) is 'n neushoringvoëlspesie in die Bucerotidae-familie. Dit kom algemeen voor in die savanne en halfdorre boomveld van Suider-Afrika. In die droë boswoude van westelike Namibië word 'n nabyverwante spesie, die Damararooibekneushoringvoël, aangetref. Die Suidelike rooibekneushoringvoël is 38 – 45 cm lank en weeg 100 – 170 g. In Engels staan die voël bekend as die Southern red-billed hornbill.

Gewoontes

Die voël se roep bestaan uit 'n reeks versnellende note: kuk kuk kuk... wat eindig in 'n crescendo van dubbelnote, kuk-we kuk-we. Anders as ander rooibekneushoringvoëls lig hulle nie hul vlerke op tydens die pronkroep nie.

Verspreiding

Dit word aangetref in Malawi en Zambië tot in die suide van Angola, noordoostelike Namibië, Botswana, Zimbabwe, oostelike Eswatini en noordelike Suid-Afrika (Transvaal en Noord-Natal).

Fotogalery

• 
  Duidelike rooi snawel
• 
  'n Jongeling sit op 'n tak in die Okavangodelta
• 
  T. erythrorhynchus soek na eetgoed op die grond

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-928-1