The Godfather
| Beweging | New Hollywood |
|---|---|
| Naam van werk | The Godfather |
| Gebaseer op | The Godfather |
| Reeks | The Godfather trilogy |
| Onderwerp | georganiseerde misdaad |
| Genre | drama film, misdaadrolprent, bende rolprent, rolprent gebaseer op literatuur |
| Kunstenaar | Nino Rota |
| Land van oorsprong | Verenigde State van Amerika, Italië |
| Oorspronklike taal | Engels, italiaans |
| Publikasiedatum | 15 Maart 1972, 27 September 1972, 24 Augustus 1972 |
| Regisseur | Francis Ford Coppola |
| Draaiboekskrywer | Mario Puzo, Francis Ford Coppola |
| Uitvoerende vervaardiger | Robert Evans |
| Direkteur van fotografie | Gordon Willis |
| Rolprentredakteur | William H. Reynolds, Peter Zinner |
| Produksie ontwerper | Dean Tavoularis |
| Kostuum ontwerper | Anna Hill Johnstone |
| Komponis | Nino Rota |
| Vervaardiger | Albert S. Ruddy |
| Produksiehuis | Paramount Pictures, Alfran Productions |
| Verspreider | Paramount Pictures |
| Na 'n werk deur | Mario Puzo |
| Ligging van verhaal | New York Stad, Los Angeles |
| Verfilming plek | Long Island, New York Stad, New Jersey, Sisilië |
| Aspek verhouding | widescreen |
| Kleur | kleur |
| Pryse ontvang | Academy Award for Best Picture, National Film Registry, Academy Award for Best Actor, Academy Award for Best Writing, Adapted Screenplay |
| FSK film rating | FSK 16 |
| Amptelike webwerf | http://www.thegodfather.com/ |
| Gekarakteriseer deur | fails the Bechdel Test |
The Godfather is 'n 1972 Amerikaanse misdaadrolprent waarvan Francis Ford Coppola die regisseur was, en wat geproduseer is deur Albert S. Ruddy.
Dit is gebaseer op Mario Puzo se blitsverkoper roman van dieselfde naam, en Marlon Brando en Al Pacino speel die hoofrolle daarin as die leiers van 'n fiksionele New Yorkse misdaadfamilie.
Die verhaal omvat die periode 1945 tot 1955, en is 'n kroniek van die familie onder die patriarg Vito Corleone (gespeel deur Brando), en fokus op die transformasie van Michael Corleone (gespeel deur Pacino) vanaf 'n teësinnig of huiwerige buitestaander in die familie, na 'n genadelose Mafiabaas.
Paramount Pictures het die regte verkry tot die roman vir die prys van $80,000, voordat dit gepopulariseer is.[1][2]
Die ateljeebestuurders het moeite gehad om 'n gepaste regisseur te vind, en hulle eerste paar kandidate het die pos afgewys. Hulle en Coppola het verskil oor verskeie karakters en deur wie hulle almal gespeel moet word, en spesifiek die rolle van Vito en Michael. Verfilming het grootliks plaasgevind in New York Stad asook in Sisilië en was voor skedule voltooi. Die klankbaan was gekomponeer deur Nino Rota ,met bykomende stukke deur Carmine Coppola.
Die rolprent het die meeste van alle rolprente vir 1972 verdien[3] en was vir 'n geruime tyd die rolprent wat die meeste van alle tye verdien het.[4] Dit het die Oscar gewen vir Beste Prent, Beste Akteur (Marlon Brando) en Beste Aangepaste Draaiboek (vir Mario Puzo en Francis Ford Coppola). Die rolprent se sewe ander Oscar nominasies sluit in Al Pacino, James Caan, Robert Duvall (Beste Ondersteunende Akteur), en Coppola for Beste Regisseur.
The Godfather word wyd gereken as een van die beste rolprente in die geskiedenis van wêreldteater en-bioskoop, en as een van die mees invloedrykste rolprente ooit, veral wat die "bende genre" betref.[5]
Dit was geselekteer vir bewaring in die Nasionale Film Register van die Biblioteek van die V.S.A. Kongres in 1990, synde geag as "kultureel, geskiedkundig, of esteties betekenisvol of beduidend" en word deur die Amerikaanse Filminstituut gerank as die tweede grootste rolprent in die Amerikaanse rolprentwese (agter Citizen Kane) . Dit was opgevolg deur die rolprente The Godfather Deel II (1974) en The Godfather Deel III (1990).
Verwysings[wysig | wysig bron]
- ↑ Allan, John H. (April 17, 1972). "'Godfather' gives boost to G&W profit picture". Milwaukee Journal. (New York Times). bl. 16, deel 2.
- ↑ Allan, John H. (April 16, 1972). "Profits of 'The Godfather'". The New York Times. Opgespoor 2018-09-10
- ↑ "IMDb: Top-US-Grossing Titles Released 1972-01-01 to 1972-12-31". IMDb. Opgespoor 2018-09-10.
- ↑ Allan, John H. (April 16, 1972). "Profits of 'The Godfather'". The New York Times. Opgespoor 2018-09-10.
- ↑ Gambino, Megan (31 Januarie 2012). "What is The Godfather Effect?". Smithsonian. Opgespoor op 2018-09-10.
