Triëst

in Wikipedia, die vrye ensiklopedie
Jump to navigation Jump to search
Moenie verwar word met Trient nie.

Triëst
Comune di Trieste
TrstTriest
Trieste collage.jpg

Kaart Wapen
Trieste dot.png
Free Territory of Trieste coat of arms.svg
Vlag
Free Territory Trieste Flag.svg
 Land Vlag van Italië Italië
 Streek Flag of Friuli-Venezia Giulia.svg Friuli-Venezia Giulia
 Provinsie Triëst
 Koördinate 45°39′N 13°46′O / 45.650°N 13.767°O / 45.650; 13.767
 Stigting 177 v.C.
 Oppervlakte:  
 - Totaal 84,49 vk km
 Hoogte bo seevlak 2 m
 Bevolking:  
 - Totaal (31 Desember 2013) 204 849
 - Bevolkingsdigtheid 24/vk km
 Tydsone UTC +1 (MET)
 Somertyd UTC +2 (MEST)
 Burgemeester Roberto Dipiazza (Forza Italia)
 Amptelike Webwerf retecivica.trieste.it

Triëst (Italiaans: Trieste [triˈɛste] , Sloweens en Kroaties: Trst, Duits: Triest) is 'n stad in die noordooste van Italië met 'n bevolking van 204 849 in 2013 en 'n oppervlakte van 84,49 km². Die stad, wat as die administratiewe setel van die streek Friuli-Venezia Giulia dien, is aan die noordoostelike kus van die Adriatiese See net wes van die grens tot Slowenië geleë. Triëst het in 1918 as gevolg van Oostenryk-Hongarye se neerlaag tydens die Eerste Wêreldoorlog onder Italiaanse bewind gekom.

Literatuur[wysig | wysig bron]

In die 19de eeu was Triëst nie net Oostenryk-Hongarye se enigste groot seehawe en poort tot die wêreld nie, maar ook een van die voorste kulturele metropole in Sentraal-Europa. Literêre persoonlikhede het aangetrokke gevoel tot hierdie smeltpot van kulture wat as 'n soort brug tussen Wes- en Oos-Europa beskou is. Skrywers soos James Joyce, Italo Svevo en Umberto Saba het van die stad 'n ontmoetplek van die literêre wêreld gemaak. Claudio Magris, die bekendste hedendaagse skrywer uit Triëst, het na sy geboortestad selfs as die "literêre hoofstad van Sentraal-Europa" verwys.

Dit was die unieke atmosfeer van Triëst en sy Riviera wat vir digters en skrywers die inspirasie vir literêre werke gelewer het. Italo Svevo en Umberto Saba se romans en verhale speel hier af, met die stedelike bourgeoisie as hul protagoniste. James Joyce het hier die basis gelê vir sy sleutelwerk Ulysses, terwyl Rainer Maria Rilke die eerste van sy Duineser Elegien in die kasteel Duino geskryf het.

Die Duitse skrywer Veit Heinichen, wat in 1980 sy eerste besoek aan Triëst gebring het, het hom later hier permanent gevestig. Dikwels speel die historiese politieke gebeure rondom Triëst 'n belangrike rol in sy misdaadromans met Commissario Proteo Laurenti as hoofkarakter.[1]

Verwysings[wysig | wysig bron]

  1. Eberhard Fohrer: Friaul-Julisch Venetien. 4de hersiene uitgawe. Erlangen: Michael Müller 2016

Eksterne skakels[wysig | wysig bron]