Tulbaghkwassie
| Tulbaghkwassie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Sorocephalus |
| Spesie: | S. scabridus
|
| Binomiale naam | |
| Sorocephalus scabridus Meisn., (1856)
| |
| Sinonieme | |
| |
Die Tulbaghkwassie (Sorocephalus scabridus) is 'n blomdraende struik wat tot die genus Sorocephalus behoort en deel van die fynbos vorm. Die spesie is endemies aan die Wes-Kaap waar dit voorkom in die Groot-Winterhoekberge tot die Olifantsrivierberge.
Die struik word slegs 80 cm hoog, groei regop en blom van Oktober tot Januarie. Vuur vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word, twee maande nadat die plant geblom het, ryp en die sade val na die grond waar dit deur miere versprei word. Die plant groei in bergagtige gebiede tussen rotse in sandsteengrond op hoogtes van 900 - 1850 m.
In Engels staan die struik as die Tulbagh clusterhead bekend.