USS Nautilus

in Wikipedia, die vrye ensiklopedie
Jump to navigation Jump to search
USS Nautilus
USS Nautilus (SSN-571) underway at sea in June 1965.jpg
kern-aangedrewe duikboot
Vaartuig klasgeen waardeWysig
Kort naamNautilusWysig
Vernoem naUSS NautilusWysig
LandVerenigde State van AmerikaWysig
Geleë in administratiewe eenheidGrotonWysig
Geografiese ligging41°23′13″N 72°5′17″WWysig
NAVO-kodenaamNautilusWysig
OperateurAmerikaanse VlootWysig
VervaardigerGeneral DynamicsWysig
GebruikOorlogsskipWysig
ErfenisbenamingNational Historic Landmark, National Register of Historic Places listed placeWysig
Teken nommerSSN-571Wysig

Die USS Nautilus is die eerste kernaangedrewe duikboot en vaartuig wat ooit gebou is en het aan die Amerikaanse Vloot behoort. Die Nautilus was 'n konvensionele duikboot wat toegerus was met 'n kernaangedrewe enjin. Die Nautilus-projek is gedurende die 1952-begrotingsjaar deur die Amerikaanse Kongres goedgekeur.

Nautilus verlaat Groton op 8 Mei 2002, op pad na Vlootduikbootbasis New London na sy uitdiensstelling.

Tegniese besonderhede[wysig | wysig bron]

Die duikboot het 3 764 ton water verplaas op die oppervlakte en 4 040 ton onder die water. Dit was 97,4 m lank, 8,4 m op sy wydste met 'n diepgang van 6,7 m. Dit was toegerus met ses 21-duim torpedobuise in die boeg. Energie is verskaf deur een S2W-reaktor wat twee Westinghouse-stoomturbines aangedryf het. Die turbines het 15 000 dryfasperdekrag aan twee skroewe gelewer, wat 'n onderwatersnelheid van 28 knope verseker het.

Reaktor[wysig | wysig bron]

Die aanvanklike ontwerp vir kernaangedrewe duikbootenjins is gedurende 1948 deur Argonne National Laboratory begin en is deur Bettis Atomic Power Laboratory by Westinghouse voortgesit. Dit het gelei tot die lewering van die Duikboot Termiese Reaktor wat bekend gestaan het as S2W. Die reaktor het hoëdrukwaterverkoelingsmetodes gebruik. Dié ontwerp het vir die volgende dekade die basis van kernaangedrewe duikbote in die Amerikaanse Vloot gevorm.

Ontwerp[wysig | wysig bron]

Die duikboot se ontwerp is gebaseer op die Duitse Tipe XXI-duikboot van die Tweede Wêreldoorlog. Die ontwerp verseker hoë werkverrigting onderwater maar ten koste van spoed en beweeglikheid.

Geskiedenis[wysig | wysig bron]

Die duikboot is te water gelaat op 21 Januarie 1954 en in diens gestel op 17 Januarie 1955. Teen Augustus 1958 was daar genoeg vertroue in sy werkverrigting en die duikboot vaar suksesvol onderdeur die Noordpool op 3 Augustus.

Bron[wysig | wysig bron]

  • The Encyclopedia of Sea Warfare. Spring Books. 1975. ISBN 0-600-33111-3
  • The US Warmachine. Salamander Books. 1979. ISBN O-86101-016-7

Sien ook[wysig | wysig bron]