Ukraine International Airlines Vlug 752

in Wikipedia, die vrye ensiklopedie
Jump to navigation Jump to search

Ukraine International Airlines Vlug 752 (PS752) was 'n geskeduleerde internasionale passasiersvlug van Teheran na Kiëf, bedryf deur Ukraine International Airlines, of UIA. Op 8 Januarie 2020 is die Boeing 737-800 wat die roete bedien, deur die gewapende magte van die Islamitiese Republiek van Iran afgeskiet kort na sy opstyg vanaf die Internasionale Lughawe Tehran Imam Khomeini.[1][2][3] Al 176 passasiers en bemanning is dood, wat dit die dodelikste lugvaartramp in meer as 'n dekade op Iran se grondgebied is. Die voorval was die eerste noodlottige lugvaartvoorval vir die Ukraine International Airlines sedert die aanvang van werksaamhede in 1992.[4]

Aanvanklik het die Iranse owerhede ontken dat hulle die vliegtuig afgeskiet het en gesê dat die aantygings van 'n missiel 'sielkundige oorlogvoering' was en dat daar 'n tegniese fout met die vliegtuig was. Na die aanvanklike verklaring van Iran, het die owerhede in die Oekraïne gesê dat die afskiet van die vliegtuig een van hul 'belangrikste werksteorieë' was.[5][6]

Amerikaanse, Kanadese en Britse amptenare het gesê dat hulle glo dat die vliegtuig afgeskiet is deur 'n Tor-M1-grond-tot-lug-missiel wat deur Iran gelanseer is.[7] Die Kanadese eerste minister, Justin Trudeau, het gesê dat Kanada se eie intelligensie sowel as bewyse deur Amerikaanse intelligensie-agentskappe voorgestel het dat die vliegtuig afgeskiet is.[8] Iran het op 11 Januarie erken dat hy die vliegtuig afgeskiet het weens menslike foute, aangesien hul weermag die vliegtuig verkeerdelik aangesien het as 'n "vyandige teiken".[9]

Die voorval het plaasgevind gedurende 'n tydperk van toenemende spanning tussen die Verenigde State en Iran, na 'n hommeltuigaanval wat die Iranese generaal-majoor Qasem Soleimani, doodgemaak het en 'n reeks vergeldingsaanvalle van ballistiese missielle deur Iran op Amerikaanse troepe in Irak.[10] Dit is voorafgegaan deur 'n bevel van die Verenigde State dat alle Amerikaanse burgerlike vliegtuie Iranse lugruim moet vermy en is gevolg deur verskeie ander nasies en lugrederye wat hul vliegtuie beveel het om Iran se lugruim te vermy.[11][12]

Verwysings[wysig | wysig bron]

  1. "Iran Says It Unintentionally Shot Down Ukrainian Airliner". New York Times. 10 Januarie 2020. Besoek op 10 Januarie 2020.
  2. "Ukrainian airplane with 180 aboard crashes in Iran: Fars". Reuters. 8 January 2020. Geargiveer vanaf die oorspronklike op 8 Januarie 2020. Besoek op 8 Januarie 2020.
  3. "Ukrainian airliner crashes near Tehran: Iranian media". Al Jazeera. 8 Januarie 2020. Geargiveer vanaf die oorspronklike op 8 Januarie 2020. Besoek op 8 Januarie 2020.
  4. Oliphant, Roland; Mendick, Robert; Nicholls, Dominic (8 Januarie 2020). "Iran plane crash: All 176 passengers killed as Ukraine Boeing 737 crashes near Tehran". The Telegraph. Geargiveer vanaf die oorspronklike op 8 Januarie 2020. Besoek op 8 Januarie 2020.
  5. "Iran Plane Crash: Western Powers Suggest Missile Downed Jet". BBC News Online. Geargiveer vanaf die oorspronklike op 9 Januarie 2020. Besoek op 9 Januarie 2019.
  6. Mirovalev, Mansur (10 Januarie 2020). "Zelenskyy: Claims Iran missile downed Ukraine plane 'unconfirmed'". Al Jazeera. Besoek op 10 Januarie 2020.
  7. "Iran missile shot down Ukraine-bound Boeing airliner, officials say". CNBC. Geargiveer vanaf die oorspronklike op 9 Januarie 2020.
  8. Tunney, Catharine (9 Januarie 2020). "Trudeau says evidence suggests Iranian missile brought down Ukrainian flight". cbc.ca. CBC Canada. Geargiveer vanaf die oorspronklike op 9 Januarie 2020. Besoek op 9 Januarie 2020.
  9. Karimi, Nasser; Krauss, Joseph (11 Januarie 2020). "Under pressure, Iran admits it shot down jetliner by mistake". Associated Press. Besoek op 11 Januarie 2020.
  10. Hooper, Ryan; Channon, Max (8 Januarie 2020). "Three Britons killed in Iran plane crash". plymouthherald. Besoek op 10 Januarie 2020.
  11. Slotnick, David. "Airlines are avoiding airspace near Iran and Iraq after a passenger plane was reportedly shot down". Business Insider. Besoek op 10 January 2020.
  12. Bowden, John (8 Januarie 2020). "Ukraine bans all flights from Iranian airspace following crash". TheHill (in Engels). Besoek op 10 Januarie 2020.
Hierdie artikel is in sy geheel of gedeeltelik vanuit die Engelse Wikipedia vertaal.