Van Stadens-veldblomreservaat
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Van Stadens-veldblomreservaat naby Port Elizabeth is een van die oudste natuurtuine in die land.
Ligging
Hierdie park van ongeveer 600 ha lê 40 km wes van die stad op 'n ou uitspanning aan die bopunt van die Van Stadenspas. Die Van Stadensrivier vorm die wesgrens, die N2- nasionale pad loop deur die terrein en van hier af is daar 'n goeie uitsig oor die kloof van die Van Stadensrivier, die Van Stadensrivierbrug en noordoos na Lady Slipper. Die reservaat is in 1951 gestig en behoort aan die Nelson Mandelabaai Metropolitaanse Munisipaliteit.
Doel
Die hoofdoel is om die unieke inheemse plantegroei te beskerm, maar ook om as sentrum vir omgewingsopvoeding te dien. 'n Tradisionele Xhosawoning, huishoudelike artikels, en 'n kraal met plaasgereedskap gee insig in die Xhosa-kultuur. Verder is daar 'n arboretum (boomtuin) en 'n kwekery. Talle wandel-, voetslaan- en bergfietspaadjies en piekniekplekke is aangelê.
Flora en fauna
Kaapse fynbos is die natuurlike plantegroei. Daar is talle soorte proteas, orgideë en ericas. Verder ook vetplante en unieke broodbome. Endemies is die lelie Cyrtanthus stadensis. Onder die 60 inheemse boomsoorte is die skaars Kaapse kranses, die Atalaya capensis. Dit kom slegs hier en in die omringende berge sowel as by Suurberg voor. Dan is daar ook 'n groot aantal van die Colodendrum capense, die wildekastaiing. Uitsonderlik onder die dierelewe is die bedreigde dwergverkleurmannetjie en 'n sekere soort padda. Honderd en sewentig voëlspesies is reeds hier aangeteken.
Rotskuns
Daar word algemeen aanvaar dat die suidelikste rotstekeninge in Afrika in hierdie park gevind is.
Bibliografie
- Logie, Bartle: Governor's travels. A journey along the Kouga/Tsitsikamma coast. Hunters Retreat: Bluecliff, 1999. ISBN 0-620-24152-7
- www.nmbt.co.za
- www.pembba.co.za
- www.vanstadens.co.za