Versamelvoël
| Versamelvoël | |
|---|---|
,_crop.jpg)
| |
| Versamelvoël in die Nasionale Etoshawildtuin, Namibië | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Philetairus A. Smith, 1837
|
| Spesie: | P. socius
|
| Binomiale naam | |
| Philetairus socius (Latham, 1790)
| |
| Subspesies | |
|
P. s. socius | |
| |
| verspreiding in Suid-Afrika, Namibië en Botswana | |
Die versamelvoël (Philetairus socius) is 'n sangvoël wat endemies aan die droë en dorre gebiede van suidelike Afrika is. Dit behoort aan die familie van wewervoëls (Ploceidae), en is die enigste spesie wat aan die monotipiese genus Philetairus toegeskryf word. Versamelvoëls word in Suid-Afrika, Namibië en Botswana aangetref, maar die Noord-Kaap is hul bakermat. Soos hul wetenskaplike en volksname suggereer, het hulle 'n sosiale lewenswyse en bou groot saamgestelde gemeenskapsneste, miskien die skouspelagtigste strukture wat deur enige voël gebou word.
.jpg){kind=spacer}
Etimologie
[wysig | wysig bron]Die genusnaam kom uit Grieks; phil- beteken "bemin" óf "voorliefde vir", terwyl etairos 'n gesel is,[2] wat in samehang hul gemeensaamheid beklemtoon. Die spesienaam socius, uit Latyn, beteken "verbonde" of "mededeelsaam" en sinspeel ewenwel op hul sosiale gedrag.
Identifikasie
[wysig | wysig bron]Uiterlik lyk hulle baie soos huismossies. Die voël is 14 cm lank en weeg 24 tot 32 gram. Die snawel is lig gekleurd met 'n swart gesigsmasker en geskubde rugvere. Die geslagte lyk eenders. Die volwasse voël het geskubde swart vere aan die sye.
Gedrag
[wysig | wysig bron]Die voël is 'n groepvoël en koöperatiewe broeier. Hulle maak 'n grasdaknes wat op 'n paal (telefoonpale is gewild), windpomp of boom gebou word. Hulle bou die grootste nes van alle voëls en die nes kan tot 500 kamers hê.
Ander name
[wysig | wysig bron]- Ander Afrikaanse naam: Familievoël
- Engelse naam: Sociable weaver
- Duitse naam: Siedelweber
Sien ook
[wysig | wysig bron] |
Wikimedia Commons bevat media in verband met Philetairus socius. |
- Alfabetiese lys van Suid-Afrikaanse voëls
- Lys van Suid-Afrikaanse voëls (gegroepeer)
- Lys van Suider-Afrikaanse voëls volgens wetenskaplike name
Bron
[wysig | wysig bron]- Sasol Voëls van Suider-Afrika. Struik Nature. Vierde uitgawe 2011. ISBN 978-1-77007-926-7
Verwysings
[wysig | wysig bron]- ↑ BirdLife International (2012). "Philetairus socius". IUBN-rooilys van Bedreigde Spesies. Weergawe 2012.1. Internasionale Unie vir die Bewaring van die Natuur. Besoek op 16 Julie 2012.
{{cite web}}: Ongeldige|ref=harv(hulp) - ↑ Jobling, James A.; Fowling, Richard (1991). A Dictionary of Scientific Bird Names. Oxford: Oxford University Press. p. 181, 218. ISBN 0-19-854634-3.