VfV Borussia 06 Hildesheim
 | |
| Volledige naam | Verein für Volkssport Borussia 1906 Hildesheim e. V. |
| Stigtingsdatum | 1 Julie 2003 |
| Tuisveld | Friedrich Ebert-stadion, Hildesheim |
| Kapasiteit | 10 000 |
| Kompetisie | Oberliga Neder-Sakse Wes |
VfV Borussia 06 Hildesheim is 'n sokkerklub uit Hildesheim in die deelstaat Neder-Sakse in Duitsland. Die huidige klub het op 1 Julie 2003 ontstaan met die samesmelting van die sokkerafdeling van VfV Hildesheim met die sokkerafdeling van SV Borussia 06 Hildesheim.
Geskiedenis van die voorgangers[wysig | wysig bron]
VfV Hildesheim[wysig | wysig bron]
VfV Hildesheim het op 22 September 1945 ontstaan as die samesmelting van 18 klubs wat na die Tweede Wêreldoorlog deur die Geallieerdes ontbind is, naamlik Arbeiter Turn- und Sportverein "Vorwärts" von 1895, Freie Turnerschaft Moritzberg von 1904, Fußballverein "Britania" von 1904, Fußballclub "Preußen" von 1907 (later as "Hildesheim 07" herdoop), Freie Schwimmer von 1913, Freie Sportliche Vereinigung von 1918, Verein für Rasenspiele von 1920, Hildesheimer Sportverein von 1927, Turnklub von 1930, Radsportverein "Hildesia" von 1932, Sportverein "Jungborn", Radfahrverein "Fahr Wohl", Radfahrverein "Schwalbe", Freie Kegler, Kraftsportverein "Frisch Auf", Boxfreunde, Arbeiter-Kegler Ortsgruppe Hildesheim en Kanuklub "Möwe".
Hildesheim 07 het vir 13 seisoene op die hoogste vlak meegeding, onder andere 4 seisoene in die Gauliga Neder-Sakse, insluitend 1 seisoen (1944) as 'n tydelike samesmelting met Rasen SV 06 Hildesheim onder die naam KSG RSV 06/SV 07 Hildesheim. Die klub het vanaf 1958 tot met die stigting van die Bundesliga in 1963 op die hoogste vlak meegeding in die Oberliga Noord. Van die klub se beste prestasies is in die DFB-Pokal behaal, waar die halfeindstryd in die 1961/62-seisoen gehaal is en die kwarteindrondte die voorafgaande seisoen.
SV Borussia 06 Hildesheim[wysig | wysig bron]
SV Borussia 06 Hildesheim se oudste voorganger was FC Hildesheim von 1906. In 1919 het die klub met FC Himmelsthür 1912 saamgesmelt as Rasensportverein 06 Hildesheim. Hierdie klub het voor die Tweede Wêreldoorlog 7 seisoene op die hoogste vlak gespeel, onder andere 4 seisoene in die Gauliga Neder-Sakse, insluitend 1 seisoen (1944) as 'n tydelike samesmelting met Hildesheim 07 onder die naam KSG RSV 06/SV 07 Hildesheim. In 1946 het die klub met Reichsbahn SG saamgesmelt om RSV Borussia 06 te vorm. Die klub het aanvanklik na die oorlog in die Amateurliga op die derde vlak meegeding, maar hierna die kreeftegang gegaan. Ten tyde van die samesmelting was die klub al 'n hele paar seisoene in die kreisliga vasgevang.
Onlangse ligaposisionering[wysig | wysig bron]
|
VfV Hildesheim
|
VfV Borussia 06 Hildesheim
|
Bronne[wysig | wysig bron]
- Hardy Grüne: Legendäre Fußballvereine Norddeutschland (ISBN 3897842238).
Eksterne skakels[wysig | wysig bron]
| Oberliga Neder-Sakse Wes 2008/09-seisoen | |
|
SV Bad Rothenfelde – SV Bavenstedt – SpVgg Preussen Hameln 07 – SV Arminia Hannover – TSV Havelse – Heesseler SV – VfV Borussia 06 Hildesheim – SC Langenhagen – VfL Germania Leer – TuS Lingen – SV Meppen – VfB Oldenburg – VfL Oldenburg – VfL Osnabrück II – Eintracht Nordhorn – TuS Pewsum – BSV Swartwit Rehden – SV Wilhelmshaven II | |