Victoria Beckham

in Wikipedia, die vrye ensiklopedie
Victoria Beckham
Victoria Beckham tydens 'n konsert.
Agtergrondinligting
GeboortenaamVictoria Caroline Adams
Ook bekend asPosh Spice
Gebore17 April 1974 (1974-04-17) (49 jaar oud)
Harlow, Essex in Engeland
GenresPopmusiek
Beroep(e)Sanger, mode-ontwerper
InstrumenteStem
AssosiasiesSpice Girls

Victoria Beckham (née Adams; 1974-) is 'n Britse popsangeres en mode-ontwerpster. Sy was 'n lid van die Spice Girls gewees, waar sy die bynaam “Posh Spice" gehad het. In 1999 is sy is met die sokkerheld David Beckham getroud en het as gevolg daarvan wye mediadekking geniet. Die egpaar is een van die wêreld se bekendste glanspare en verskyn dikwels in koerante en tydskrifte in duur, modieuse klere.[1]

Lewensloop[wysig | wysig bron]

Victoria Caroline Adams is op 17 April 1974 in Harlow, Essex in Engeland gebore.[2][3]

In 1994 stig sy en vier ander dames die popgroep Spice Girls. Hulle stel hulle eerste enkelsnit, Wannabe, in 1996 vry. Die snit is 'n oornag sukses en bereik die nommer een-posisie in 37 lande.

Sy is in Junie 1999 met David Beckham getroud. Hulle het drie seuns en een dogter: Brooklyn Joseph (gebore Maart 1999), Romeo James (gebore September 2002), Cruz David (gebore Februarie 2005) en Harper Seven (gebore Julie 2011).

In 2001, ná die Spice Girls, het Beckham 'n kort solo-loopbaan gevolg. In teenstelling met haar mede-orkeslede, kon sy nie die nommer een-posisie op die treffersparade haal nie. Daarna het sy saam met haar man begin om klere en parfuum te skep.

In 2007 het sy saam met die Spice Girls vir 'n wêreldtoer byeengekom.

Diskografie[wysig | wysig bron]

  • Victoria Beckham, 2001

Filmografie[wysig | wysig bron]

  • Spice World, 1997 (rolprent, hoofrol)
  • Victoria's Secrets, 2000 (dokumentêr)
  • Being Victoria Beckham, 2002 (dokumentêr)
  • The Real Beckhams, 2003 (dokumentêr)
  • Full Length & Fabulous, 2006 (dokumentêr)
  • Victoria Beckham: Coming to America, 2007 (dokumentêr)
  • Ugly Betty, 2007 (dokumentêr)

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. "Victoria Beckham". People magazine (in Engels). Geargiveer vanaf die oorspronklike op 6 Augustus 2016. Besoek op 18 Desember 2007.
  3. Barbara., Ellen (2 November 2003). "Watch this Spice". The Guardian (in Engels). Londen. Geargiveer vanaf die oorspronklike op 7 September 2008. Besoek op 20 Desember 2007.

Eksterne skakels[wysig | wysig bron]