Vrystaat Botaniese Tuin
In die Vrystaat Nasionale Botaniese Tuin buite Bloemfontein is 'n plantversameling wat die inheemse flora van die Vrystaat, Noord-Kaap en Lesotho weerspieël.
Die tuin van 70 ha is in 1965 by Bainsvlei aangelê, ongeveer 10 km noord van die middestad en in 'n vallei tussen skilderagtige dolerietkoppe. 'n Vierhonderd plant-, 140 voël-, 50 soogdier- en 50 reptielspesies kom in die park voor. 'n Wildeolyfboom (Olea europaea subspesie africana) is waarskynlik ouer as 200 jaar. In die herbarium word 50 000 spesies bewaar. Verder is daar 'n voëlkykskuiling, 'n dam en wye grasperke.
Bibliografie[wysig | wysig bron]
- www.places.co.za
- www.sanbi.org
