Harold Porter Botaniese Tuin

in Wikipedia, die vrye ensiklopedie
Inheemse woud in die Harold Porter Botaniese Tuin.

Die Harold Porter Botaniese Tuin is bekend om die Kaapse fynbos.

Hierdie tuin lê in die Kogelberg-natuurreservaat, by Bettysbaai en langs Clarence-rylaan (R44). Dit beslaan amper 200 ha en strek van die berge tot by die kus. Met wandelpaadjies kan die kranse, klowe, heideveld, woud, stroompies en bergpoele bereik word. Buiten die fynbos, is daar al 60 voëlspesies aangeteken en kom daar ystervarke, muskeljaatkatte, muishonde, dassies, bobbejane en slange voor.

In 1939 het Harold Nixon Porter, Jack Clarence en Arthur Youldon die beheer gekry oor 'n stuk grond tussen Rooiels en Palmietrivier. Na Porter se dood het dit in 1959 onder beheer van SANBI gekom. Die plaaslike munisipaliteit het later aanliggende stukke grond by die tuin gevoeg.

Galery[wysig | wysig bron]

Bibliografie[wysig | wysig bron]

Koördinate: 34°21′06″S 18°55′37″O / 34.35167°S 18.92694°O / -34.35167; 18.92694