Waldemar Schultz

in Wikipedia, die vrye ensiklopedie
Jump to navigation Jump to search
Waldemar Schultz
Geboorte 21 April 1970
Nasionaliteit Suid-Afrika
Beroep(e) Akteur
Internet-rolprentdatabasis-profiel

Waldemar Schultz (gebore 21 April 1970) is ʼn Suid-Afrikaanse akteur, regisseur en stemkunstenaar. Schultz is veral bekend vir sy rol as Jan-Hendrik Terreblanche in die SABC2-sepie 7de Laan, en hy was ook die aanbieder van die speletjieprogram, Ken Jou Laan, in 2008.

Opleiding[wysig | wysig bron]

Schultz het in Milnerton, Kaapstad, grootgeword en het van ʼn jong ouderdom ʼn liefde vir teater getoon. Nadat hy matrikuleer het, het hy BA Drama aan die Universiteit van Stellenbosch studeer (1992 tot 1994). Tydens sy studies, is hy vereer met ʼn Fleur du Cap-toekenning as Mees Belowende Student en het hy ook die Dux-prys ontvang vir die hoogste gehalte werk gelewer tydens sy studies. Tydens sy studies vir sy Meestersgraad het hy ook as 'n lektor by die universiteit begin.

Loopbaan[wysig | wysig bron]

As gegradueerde student het Schultz begin om vryskutbasis oorklanking te doen in radiovervolgverhale, wat daartoe gelei het dat hy vir 'n wyle as oorklankingsregisseur vir Quantum Productions gewerk het. Tussen 1991 en 2001, was Schultz werksaam as regisseur, skrywer en akteur vir verskeie teatergeselskappe, onder andere PACT, CAPAB, Spektrum Produksies en Blond Produksies. Sy eerste rol in ʼn televisiereeks was as Klein Geoff in die reeks Woestynblom, 1994, gevolg deur die die rol van Paul Kruger in die jeugdrama, Young Vision.

Kleiner rolle soos in dié van Hagenheim: Streng Privaat, Soutmansland en Arsenaal het gevolg, maar meeste van sy tyd het hy aan stemwerk, advertensies en kinderteater bestee. Sedert 2000, toe hy die rol van Jan Hendrik Terreblanche in 7de Laan gekry het, het hy minder tyd vir vryskutwerk gehad. Schultz het 7de Laan in 2008 verlaat en begin werk by kykNET se improvisasie komediereeks, Proesstraat, waar die opvoering opgeneem word sonder ʼn teks en met ʼn lewendige gehoor. Schultz was deel van die groep akteurs van Proesstraat vir twee seisoene, vanaf 2010 tot 2011. In 2012 het hy ʼn verskyning gemaak in die laaste episode van die SABC1 komediereeks, Stokvel en in 2013 het hy in die vyfde episode verskyn van kykNET se misdaadreeks, Die Boland Moorde.

In 2016 het hy die hoofrol van Kolonel Piet van der Bijl vertolk in die televisiereeks Die Byl – wat rofweg gebaseer is op die lewe van die Suid-Afrikaanse speurder, Piet Byleveld.

Persoonlike lewe[wysig | wysig bron]

In 1996 is Schultz getroud met die aktrise Ira Blanckenberg. Die egpaar het twee kinders Kieran en Dhania. In Augustus 2013 het Kieran gesterf nadat hy sy balans verloor het en van 'n rots in Hermanus afgeval het.

Film[wysig | wysig bron]

  • Holiday in the Wild; vertolk die rol van Dr. Fowler (2019)
  • The Kissing Booth; vertolk die rol van Mr. Lewis (2018)
  • Funny Enough; vertolk die rol van Koos van der Merwe (2016)
  • Modder en Bloed; vertolk die rol van die boer (2016)
  • Cold Harbour; vertolk die rol van die inspekteur (2013)
  • Lenteblom; vertolk die rol van Mnr. Coetzee (2013)
  • Felix; vertolk die rol van Mnr. Du Toit (2013)
  • Heart & Soul; kort film; vertolk die rol van Marius Barnard (2011)
  • Black Butterflies; vertolk die rol van Etienne le Roux (2011)
  • Catch a Fire; vertolk die rol van die inspekteur (2006)
  • Stander; vertolk die rol van ʼn polisieman (2003)

Televisie[wysig | wysig bron]

  • Die Byl; vertolk die rol van Kol. Piet van der Bijl (2019)
  • Arendsvlei; vertolk die rol van Dean Wicomb (2018)
  • Die Boekklub; seisoen 2; vertolk die rol van Richard (2017)
  • Die Boland Moorde; vertolk die rol van Herman (2013)
  • Fynskrif; vertolk die rol van Kobus (2018 – 2019)
  • Welcome to Murdertown; vertolk die rol van Charlie Kinkel (2018)
  • Troy: Fall of a City; vertolk die rol van Thersites (2018)
  • Hooten & the Lady; vertolk die rol van Captain Rasul (2016)
  • Proesstraat; vertolk die rol van Waldi (2011)
  • Stokvel; vertolk die rol van Pierre La Boeuff (2017)
  • Suidooster; vertolk die rol van Eugene Oosthuizen (2017)
  • Treknet; vertolk die rol van Mr. Davids (2013)
  • Vloeksteen; vertolk die rol van Dawid Krog (2013)
  • 7de Laan; vertolk die rol van Jan-Hendrik Terreblanche (2000 – 2008)
  • Ken Jou Laan; aanbieder (2008)
  • Arsenaal; vertolk die rol van Van Eyk (2002)
  • Soutmansland; (2000)
  • Hagenheim: Streng Privaat; vertolk die rol van Jordan (1996)
  • Woestynblom; vertolk die rol van Klein Geoff (1995)

Teater[wysig | wysig bron]

  • Pa, maak vir my ʼn vlieë pa; vertolk die rol van Org Verwey; regie: Albert Maritz
  • Fielia se Kind; vertolk die rol van Elias
  • Bidsprinkaan; vertolk die rol van Zervaas Ziervogel
  • Stander; vertolk die rol van André Stander
  • Die Monster In Die Gang; vertolk die rol van Fritz
  • Hie’ Sit Die Manne; vertolk die rol van Armand
  • Strip!; vertolk die hoofrol
  • Net ʼn Chiliburger en Tjips Asseblief; vertolk die rol van Bruwer
  • ʼn Seder Val in Waterkloof; vertolk die rol van Van
  • Die Ryk Weduwee; vertolk die rol van Etienne le Roux
  • Mooi Maria; vertolk die rol van Oom Gert
  • Oom Anton by die See; vertolk die rol van Anton Chekov
  • Ebenezer Pennieknyper; vertolk die rol van Pennieknyper
  • Proesstraat; vertolk die rol van Waldi
  • Spyt; vertolk die rol van Frans

Toekennings[wysig | wysig bron]

  • Huisgenoot Tempo-toekenning: Beste Akteur in ʼn komedie (2017)
  • SAFTA-toekenning: Beste Komedie
  • Fleur du Cap-toekenning: Mees Belowende Student (1992)
  • Dux Prys deur die Drama Fakulteit van die Universiteit van Stellenbosch

Bronnelys[wysig | wysig bron]