William Randolph Hearst

in Wikipedia, die vrye ensiklopedie
Jump to navigation Jump to search
William Randolph Hearst
’n Beeld van die betrokke persoonlikheid.
Gebore (1863-04-29)29 April 1863
San Francisco, Kalifornië
Oorlede 14 Augustus 1951 (op 88)
Beverly Hills, Kalifornië, VSA
Nasionaliteit Verenigde State
Beroep Entrepreneur, politikus, uitgewer
Politieke party Demokratiese Party; onafhanklik
Huweliksmaat Millicent Wilson (1903-1951)
Kind(ers) George, William Jr., John, Randolph, David; Patricia Lake (vermoede van vaderskap)
William Randolph Hearst Signature.svg

William Randolph Hearst Sr. ([hɜst], * 29 April 1863 in San Francisco; † 14 Augustus 1951 in Beverly Hills, Kalifornië) was 'n Amerikaanse entrepreneur, politikus en uitgewer wat met Hearst Communications die grootste pers-uitgewery en media-onderneming in die Verenigde State gevestig het. Hearst se dagblaaie het met hul fokus op sensasionalisme sterk invloed op die verslaggewing en joernalistiese styl van hoofstroom-dagblaaie in die Verenigde State uitgeoefen het.

Hearst het in 1887 tot die uitgewersbedryf toegetree nadat sy vader George Hearst die bestuur van die dagblad The San Francisco Examiner aan hom oorgedra het. Vervolgens het hy homself in New York Stad gevestig waar hy die dagblad The New York Journal oorgeneem en vir strawwe mededinging met Joseph Pulitzer se New York World gesorg om dié se sirkulasie te oortref. Sirkulasiesyfers is verhoog met reuse-opskrifte op die voorblaaie en skokkende stories oor misdaad, korrupsie, seks en ander gebeure.

Met die oorname van verdere dagblaaie het Hearst 'n dagbladketting geskep wat op sy hoogtepunt uit byna dertig koerante in groot metropole bestaan het. Later het hy sy belange uitgebrei na tydskrifte om uiteindelik die wêreld se grootste personderneming te skep. As een van die welvarendste mense op aarde kon Hearst duur stokperdjies bekostig. Hy was 'n geesdriftige kunsversamelaar en het vir homself 'n kasteelagtige herewoning naby San Simeon in Kalifornië laat bou - Hearst Castle.

Hearst se onderneming bestaan voort as Hearst Communications. Van 'n beskeie begin met 'n enkele dagblad op 4 Maart 1887 het dit tot een van die wêreld se voorste privaat media- en inligtingsmaatskappye met meer as 360 dogterondernemings in meer as 150 lande gegroei.[1]

Verwysings[wysig | wysig bron]