Wladimir Majakofski

in Wikipedia, die vrye ensiklopedie
Jump to navigation Jump to search
Wladimir Majakofski
’n Beeld van die betrokke persoonlikheid.
Wladimir Majakofski omstreeks 1925

Geboortenaam Wladimir Wladimirowitsj Majakofski
Gebore 19 Julie 1893
Bagdadi, goewernement Kutaissi, Russiese Ryk (tans Georgië)
Oorlede 14 April 1930 (op 36)
Moskou, Sowjetunie
Nasionaliteit Vlag van Rusland Rusland (1893–1917)
Vlag van Sowjetunie Sowjetunie (1922–1930)
Beroep Digter, dramaturg, kunstenaar en akteur
Die Moskouse moltreinstasie Majakofskaja is na die digter genoem. Sy futuristiese ontwerp is 'n argitektoniese hommage aan Wladimir Majakofski

Wladimir Wladimirowitsj Majakofski (Russies: Владимир Владимирович Маяковский, wetenskaplike transliterasie Vladimir Vladimirovič Majakovskij; * 19 Julie 1893 in Bagdadi, goewernement Kutaissi, Russiese Ryk, tans Georgië; † 14 April 1930 in Moskou) was 'n Sowjet-Russiese digter en dramaturg wat as die leidende verteenwoordiger van die Futurisme in Rusland beskou word. As veelsydige kunstenaar het Majakofski naas gedigte ook tonele geskryf waarvoor hy ook die regie behartig het, as akteur in rolprente opgetree en redaksiewerk vir die kunsjoernaal LEF verrig.

Majakofski was aanvanklik 'n entoesiastiese aanhanger van die Russiese Rewolusie en die nuwe Sowjetbewind; sy werk sluit agitprop-plakkate vir die Kommunistiese Party tydens die Russiese Burgeroorlog in. Vanaf die laat 1920's het Majakofski egter begin om openlik kritiek uit te spreek teen negatiewe ontwikkelinge en misstande in die Sowjet-samelewing, veral die toenemende burokrasie, soos beskryf in sy satiries-fantasties-utopiese drama Клоп (Die weeluis, 1929).[1] Siekte en teleurstellings in sy privaat lewe het - net soos die kritiek en druk van die kant van literatuur-funksionarisse - 'n skaduwee oor sy lewe gegooi. Op 14 April 1930 het Majakofski sy eie lewe geneem.[2]

Josef Stalin het na Majakofski in 1935 verwys as die Sowjettydperk se "beste en mees begaafde digter".[3] Sy verheffing tot die Sowjetunie se kwasi-amptelike digter was vir westerse literatuurwetenskaplikes rede genoeg om Majakofski se werk grotendeels te ignoreer - ondanks sy sterk invloed op ander digters. Die eerste Majakofski-biografie, wat buite die Sowjetunie gepubliseer is, was Bengt Jangfeldt se Med livet som insats : berättelsen om Vladimir Majakovskij och hans krets wat in 2007 in Swede verskyn het en in 2015 in Engels vertaal is.[4]

Verwysings[wysig | wysig bron]

Eksterne skakels[wysig | wysig bron]

Biografie
Reise na die buiteland

(en) Russia Beyond: 'I would like to live and die in Paris': Mayakovsky abroad

Digkuns