Yagul

in Wikipedia, die vrye ensiklopedie
Jump to navigation Jump to search
Prehistoriese Grotte van Yagul en Mitla in die Sentrale Oaxacavallei*
Unesco-wêrelderfenisgebied

YagulPanorama.jpg
'n Uitsig oor Yagul
Ligging van Yagul op 'n kaart (Meksiko)
Yagul
Yagul
Ligging van Yagul in Meksiko
Koördinate: 16°57′30″N 96°27′1″W / 16.95833°N 96.45028°W / 16.95833; -96.45028Koördinate: 16°57′30″N 96°27′1″W / 16.95833°N 96.45028°W / 16.95833; -96.45028
Lande Vlag van Meksiko Meksiko
Tipe Kultuur
Kriteria iii
Verwysings 1352
Streek Noord-Amerika
Inskripsiegeskiedenis
Inskripsie 2010  (34ste Sessie)
* Naam soos dit in die Wêrelderfenislys verskyn.
Streek soos deur Unesco geklassifiseer.

Yagul is 'n argeologiese terrein in die deelstaat Oaxaca, tussen Oaxaca de Juárez en Mitla, 36 km wes van laasgenoemde in die suide van Meksiko. Die naam Yagul is afgelei van die Zapoteekse woorde ya ("boom") en gul ("oud"), en beteken dus "oud boom". Yagul is soos ander stede in die Oaxacavallei eers deur Zapoteke gestig en later deur Mixteke oorgeneem en uitgebrei.

Balspeelplek in Yagul

Yagul was vir die eerste keer tydens die Middel- tot Laat Voor-Klassieke tydperk (950–100 v.C.) bevolk en tydens die Klassieke tydperk (500–700 n.C.) is residensiële, burgerlike en seremoniële strukture op dié terrein opgerig. Die meeste sigbare oorblyfsels dater egter van die Postklassieke tydperk (1250–1521), toe dié terrein as hoofstad van 'n stadstaat (altépetl) gedien het. Uitgebreide Voor-Klassieke begrafnisse is op Yagul uitgegrawe, vergesel met keramiek-figuur-vaartuie wat die toenemende invloed van Monte Albán op die plaaslike elite aandui. Tydens die Laat-Klassieke tydperk, onmiddelik voor die Spaanse verowering van die Asteekse Ryk (1521–1523), het Yagul 'n bevolking van sowat 6 000 gehad. Ná die Spaanse verowering is die bevolking na die nabygeleë moderne dorpie Tlacolula de Matamoros verhuis waar hul nasate tot vandag toe bly.

Die terrein is in die 1950's en 1960's deur die argeoloë Ignacio Bernal en John Paddock uitgegrawe. Op 13 Oktober 1998 is die terrein tot een van Meksiko se vier nasionale monumente verklaar, die ander is Bonampak en Yaxchilan in Chiapas asook Cerro de la Silla in Nuevo León. Die Prehistoriese Grotte van Yagul en Mitla in die Sentrale Oaxacavallei is in 2010 deur Unesco as wêrelderfenisgebied gelys.

Eksterne skakels[wysig | wysig bron]