Yuval Noah Harari

in Wikipedia, die vrye ensiklopedie
Jump to navigation Jump to search
Yuval Noah Harari
’n Beeld van die betrokke persoonlikheid.
Gebore 24 Februarie 1976
Kiryat Ata, Israel
Nasionaliteit Vlag van Israel Israel
Beroep Skrywer, historikus

Yuval Noah Harari (gebore op 24 Februarie 1976) is 'n Israeli geskiedkundige en professor in die Departement van Geskiedenis by die Hebreeuse Universiteit van Jerusalem.[1] Hy is die skrywer van die internasionale topverkopers Sapiens: A Brief History of Humankind (2014), Homo Deus: A Brief History of Tomorrow (2016), en 21 Lessons for the 21st Century (2018). Sy skryfwerk ondersoek vrye wil, bewustheid, en intelligensie.

Harari se vroeëre publikasies handel met wat hy beskryf as die "kognitiewe rewolusie" wat rofweg 50,000 jaar gelede plaasgevind het toe Homo sapiens hul mededinger, die Neanderdallers verdring het, en taalvaardighede en gestruktureerde samelewingstrukture begin ontwikkel het asook opgang gemaak het as apeks roofdiere. Die ontwikkeling was aangehelp deur die landbou rewolusie en meer onlangs versnel deur die wetenskaplike metodologie en rasionalisme wat mense toegelaat het om hul omgewing so te sê te oorheers.

Sy onlangse boeke is meer omsigtig, en werk deur die gevolge van 'n futuristiese biotegnologiese wêreld waar intelligente biologiese organismes verdring word deur hul eie skeppings. Hy het ook gesê "Homo sapiens soos ons hulle ken sal in 'n eeu of so verdwyn".[2]

Biografie[wysig | wysig bron]

Harari was in 1976 in Kiryat Ata, Israel, gebore en het grootgeword in 'n sekulêre Joodse gesin[3] met Libanese en Oos-Europese wortels in Haifa, Israel.[4] Harari is openlik homoseksueel[5] en in 2002 het hy sy eggenoot Itzik Yahav, wat hy "my internet van alle dinge" noem, ontmoet.[6][7] Yahav is ook Harari se persoonlike bestuurder.[8] Hulle is getroud tydens 'n burgerlike seremonie in Toronto, Kanada.[9] Die paartjie woon in 'n moshav ('n tipe koöperatiewe landbougemeenskap van indiwiduele plase) genaamd Mesilat Zion, naby Jerusalem.[10][11][12]

Harari het by geleentheid gesê dat Vipassana meditasie, waarmee hy in die jaar 2000 begin het toe hy nog by Oxford was,[13] "my lewe getransformeer het".[14] Hy oefen elke dag vir twee ure (een uur aan die begin, en een uur aan die einde van sy werksdag)[15]), en onderneem elke jaar vir dertig dae of meer 'n "meditatiewe vakansie" in stilte, met geen indringing van boeke of sosiale media nie,[16][17][18] en is 'n assistent meditasie-instrukteur.[19] Hy het sy boek Homo Deus gewy aan "my onderwyser, S. N. Goenka, wat my op liefderike wyse belangrike dinge geleer het," en hy het ook gesê "Ek sou nie hierdie boek kon skryf sonder die fokus, vrede en insig wat verkry is deur die oefen van Vipassana vir die afgelope vyftien jaar nie."[20] Hy beskou meditasie ook as 'n weg tot navorsing.[18]

Harari is 'n vegetariër en het ook gesê dat dit die gevolg was van sy navorsing, insluitende sy oortuiging dat die suiwelindustrie die band tussen die koei en haar kalf breek.[4][21] Van Januarie 2019 af maak hy nie meer gebruik van 'n slimfoon nie.[22]

Akademiese loopbaan[wysig | wysig bron]

Harari het aanvanklik gespesialiseer in middeleeuse geskiedenis en militêre geskiedenis, wat betref sy studies vanaf 1993 tot 1998 by die Hebreeuse Universiteit van Jerusalem. Hy het sy D.Phill graad in 2002 by Jesus Kollege, Oxford, voltooi onder die toesig van Steven J. Gunn. Van 2003 tot 2005 was hy besig met sy post-doktorale studies in geskiedenis as 'n Yad Hanadiv Genoot.[23]

Hy het verskeie boeke en artikels gepubliseer, insluitende (in Engels) Special Operations in the Age of Chivalry, 1100–1550;[24] The Ultimate Experience: Battlefield Revelations and the Making of Modern War Culture, 1450–2000;[25] The Concept of 'Decisive Battles' in World History;[26] en Armchairs, Coffee and Authority: Eye-witnesses and Flesh-witnesses Speak about War, 1100–2000.[27] Hy spesialiseer nou in wêreldgeskiedenis en makro-historiese prosesse.

Sy boek Sapiens: A Brief History of Humankind was in 2001 in Hebreeus gepubliseer en 2014 in Engels gepubliseer. Die werk is sedertdien in vyf-en-veertig bykomende tale vertaal.[28] Die boek neem die gehele lengte van menslike geskiedenis in oënskou, en dek die ewolusie van Homo sapiens in die Steentydperk tot by die politiese en tegnologiese rewolusies van die 21ste eeu. Die Hebreeuse uitgawe was 'n topverkoper in Israel, en het baie belangstelling by die algemene publiek gewek, en het Harari in 'n kits van 'n onbekende persoon in 'n glanspersoonlikheid verander.[29] YouTube videosnitte van Harari se lesings in Hebreeus, oor die geskiedenis van die wêreld, is al deur tienduisende Israelis gekyk.[30]

Harari gee ook gratis aanlyn-kursusse in Engels getiteld A Brief History of Humankind.

Gepubliseerde werke[wysig | wysig bron]

Harari se boek Homo Deus: A Brief History of Tomorrow was in 2016 gepubliseer, en ondersoek die moontlikhede van die toekoms van Homo sapiens.[31] Die boek se uitgangspunt handel daaroor dat die mensdom in die toekoms waarskynlik 'n wesenlike poging tot die verkryging van gelukkigheid, onsterflikheid en veral die verkryging van Godagtige magte gaan maak.[32] Die boek gaan voort om op openlike wyse te spekuleer oor verskillende maniere waarop hierdie ambisieuse strewes in die toekoms vir Homo Sapiens verwerklik kan word, gebaseer op realiteite en werklikhede van die verlede en die toekoms. harari ontwikkel onder andere daarin 'n term vir 'n filosofie of verstandhouding wat die "aanbidding" van groot data behels.[33][34]

Harari se mees onlangse boek is getiteld 21 Lessons for the 21st Century en fokus op meer alledaagse sake.[35][36][37] Dit was op 30 Augustus 2018 gepubliseer.[38][39] In Hoofstuk Twee spreek hy die toenemende aantal mense wat werkloos gelaat word deur vooruitgang in outomatisering en Kunsmatige intelligensie (KI) aan. Hy ondersoek ook die idee van 'n basiese inkomste en/of universele inkomste vir elke burger nieteenstaande hulle werkstatus as 'n middel om ekonomiese werkloosheid aan te spreek.

Oortuigings en opinies[wysig | wysig bron]

Harari stel belang in die wyse waarop Homo sapiens hulle huidige toestand bereik het, en in hul toekoms. Sy navorsing fokus op makro-historiese vrae soos: Wat is die verhouding tussen geskiedenis en biologie? Wat is die essensiële verskil tussen Homo sapiens en ander diere? Beskik geskiedenis oor 'n rigting? Het mense gelukkiger geword soos wat geskiedenis ontvou het?

Harari beskou ontevredenheid as die die "wortel" van menslike realiteit, en ook ten opsigte van die wyse waarop dit in verband staan met ewolusie .[18]

In 'n 2017 artikel het Harari geargumenteer dat daar "dat daar dalk teen 2050 'n nuwe klas mense sal ontstaan - die nuttelose klas. Mense wat nie slegs werkloos is nie, maar onindiensneembaar." as gevolg van groterwordende tegnologiese vooruitgang en vooruitgang wat betref die veld van Kunsmatige intelligensie (KI)."[40] Hy het gepostuleer dat deur op ekonomiese, maatskaplike en politiese wyse met hierdie nuwe maatskaplike klas te handel, 'n sentrale uitdaging vir die mensdom in die komende dekades sal wees.[41]

Harari het kommentaar gelewer op die penarie van diere, en veral die van troeteldiere sedertdien die aanvang van die Landbou rewolusie. Harari is ook 'n vegetariër. [4] Harari het sy oogpunte oor die wêreld as volg opgesom tydens 'n 2018 onderhoud[42] met Steve Paulson van Nautilus : "Dinge is beter as tevore, maar dit is egter steeds nogal sleg. Dit kan vererger. Dit kom neer op 'n ietwat optimistiese oogpunt want indien jy besef dat dinge beter is as tevore beteken dit dat mens dit selfs beter kan maak. "

Harari het geskryf dat die idee van die vrye wil, en die liberale waardes wat dit help konsolideer het, "mense aangemoedig het wat teen die Inkwisisie, die goddelike regte van konings, en die KGB moes veg"; maar dit het egter gevaarlik begin raak in 'n wêreld wat beskik oor 'n data ekonomie, waar, soos sy argument lui, daar in realiteit nie so iets bestaan nie, en regerings en korporasies die indiwidu beter begin ken as wat hulle hulself ken, en "indien regerings en korporasies daarin slaag om die menslike dier te kaap, die maklikste mense om te manipuleer die sal wees wat in vrye wil glo."[43] Harari brui verder uit dat "Mense sekerlik oor 'n wil beskik - maar dit is nie "vry" nie. Jy kan nie besluit welke versugtinge jy oor beskik nie...Elke keuse hang af van 'n klomp biologiese, maatskaplike en persoonlike omstandighede wat jy nie namens jouself kan vasstel nie. Ek kan kies wat om te eet, wie om mee te trou en vir wie om te stem, maar hierdie keuses word deels bepaal deur my gene, my biochemiese samestelling, my geslag, my familie agtergrond, my kultuur, ens - en ek kies nie welke gene of familie ek het nie."[43]

Toekennings en erkenning[wysig | wysig bron]

Harari het reeds twee keer (in 2009 en 2012) die Polonsky-prys gewen vir "Kreatiwiteit en Oorspronklikheid". In 2011 het hy die Genootskap vir Militêre Geskiedenis se Moncado-toekenning vir uitsonderlike artikels in militêre geskiedenis gewen. In 2012 was hy verkies tot die Jong-Israeli Akademie van Wetenskappe.

Publikasies[wysig | wysig bron]

Boeke[wysig | wysig bron]

Artikels[wysig | wysig bron]

Notas[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.

Verwysings[wysig | wysig bron]

  1. Yuval Harari site, by die Hebreeuse Universiteit van Jerusalem webwerf
  2. Andrew Anthony, Lucy Prebble, Arianna Huffington, Esther Rantzen and a selection of our readers (19 March 2017). "Yuval Noah Harari: 'Homo sapiens as we know them will disappear in a century or so'". The Observer (in Engels). ISSN 0029-7712. Besoek op 17 March 2018.AS1-onderhoud: Gebruik authors-parameter (link)
  3. Les prédictions de Yuval Noah Harrari, L'arche magazine
  4. 4,0 4,1 4,2 Cadwalladr, Carole (5 Julie 2015). "Yuval Noah Harari: The age of the cyborg has begun – and the consequences cannot be known". The Guardian. Besoek op 2 November 2016.
  5. Anthony, Andrew (9 March 2017). "Yuval Noah Harari: 'Homo sapiens as we know them will disappear in a century or so'". The Guardian. Besoek op 5 Maart 2019.
  6. Adams, Tim (27 Augustus 2016). "Yuval Noah Harari: 'We are acquiring powers thought to be divine'". the Guardian. Besoek op 17 Maart 2018.
  7. "Fast Talk / The Road to Happiness". Haaretz. 25 April 2012. Besoek op 17 Maart 2018.
  8. "זה ייגמר בבכי: סוף העולם לפי יובל נח הררי". Besoek op 17 March 2018.
  9. Nevatia, Shreevatsa (14 Oktober 2015). "Sadly, superhumans in the end are not going to be us". Mumbai Mirror. The Times Group. Besoek op 17 Maart 2018.AS1-onderhoud: Gebruik authors-parameter (link)
  10. "Fast Talk The Road to Happiness". Haaretz. 25 April 2017.
  11. Appleyard, Bryan (31 Augustus 2014). "Asking big questions". thesundaytimes.co.uk. Besoek op 25 Julie 2015.
  12. Reed, John (5 September 2014). "Lunch with the FT: Yuval Noah Harari". ft.com. Besoek op 25 Julie 2015.
  13. "Yuval Harari, author of "Sapiens," on AI, religion, and 60-day meditation retreats". Besoek op 17 Maart 2018.
  14. Adams, Tim (27 Augustus 2016). "Yuval Noah Harari: 'We are quickly acquiring powers that were always thought to be divine'" – via The Guardian.
  15. "How Humankind Could Become Totally Useless". Time. Besoek op 17 Maart 2018.
  16. "Interview - Yuval Harari" (PDF). The World Today. Chatham House. October–November 2015. pp. 30–32. Geargiveer (PDF) vanaf die oorspronklike op 12 Desember 2017. Besoek op 17 Maart 2018.
  17. "Yuval Noah Harari, Sapiens and the age of the algorithm". The Australian. Josh Glancy. 3 September 2016. Geargiveer vanaf die oorspronklike op 10 November 2016.
  18. 18,0 18,1 18,2 "Fast Talk The Road to Happiness". 25 April 2017 – via Haaretz.
  19. "The messenger of inner peace: Satya Narayan Goenka; New Appointments". Vipassana Newsletter 23 (12). Vipassana Research Institute. 17 Desember 2013. Besoek op 17 Maart 2018.
  20. Homo Deus, dedication and Acknowledgements bl426
  21. "Interview With Yuval Noah Harari: Masters in Business (Audio)". Besoek op 17 Maart 2018.
  22. "# 68 -- Reality and the Imagination". Waking Up podcast. Sam Harris. 19 Maart 2017. Besoek op 17 Maart 2018.
  23. "CV at The Hebrew University of Jerusalem". 2008.
  24. Yuval Noah Harari, Special Operations in the Age of Chivalry, 1100–1550 (Woodbridge: Boydell & Brewer, 2007)
  25. Yuval Noah Harari, The Ultimate Experience: Battlefield Revelations and the Making of Modern War Culture, 1450–2000 (Houndmills: Palgrave-Macmillan, 2008)
  26. Yuval Noah Harari, The Concept of 'Decisive Battles' in World History, in Journal of World History 18:3 (2007), 251–266.
  27. Yuval Noah Harari, "Armchairs, Coffee and Authority: Eye-witnesses and Flesh-witnesses Speak about War, 1100–2000", The Journal of Military History 74:1 (Januarie 2010), bls. 53–78.
  28. Payne, Tom (26 September 2014). "Sapiens: a Brief History of Humankind by Yuval Noah Harari, review: 'urgent questions'". The Telegraph. Besoek op 29 Oktober 2014.
  29. Fast talk / The road to happiness, in Haaretz, 25 April 2012
  30. "A Brief History of Mankind course, in the Hebrew University of Jerusalem channel in YouTube (in Hebrew)
  31. Runciman, David (24 August 2016). "Homo Deus by Yuval Noah Harari review – how data will destroy human freedom". The Guardian (in Engels). ISSN 0261-3077. Besoek op 20 Oktober 2017.
  32. Harari, Yuval Noah (2016). Homo Deus: A Brief History of Tomorrow. London: Vintage. p. 75. ISBN 9781784703936. OCLC 953597984.
  33. Harari, Yuval Noah (2017). Homo Deus: A Brief History of Tomorrow. London: Vintage. p. 429. ISBN 9781784703936. OCLC 953597984.
  34. Harari, Yuval Noah (26 Augustus 2016). "Yuval Noah Harari on big data, Google and the end of free will". Financial Times. Besoek op 20 Oktober 2017.
  35. Lewis, Helen (15 Augustus 2018). "21 Lessons for the 21st Century by Yuval Noah Harari review – a guru for our times?". the Guardian (in Engels). Besoek op 25 Augustus 2018.
  36. Russell, Review by Jenni (19 Augustus 2018). "Review: 21 Lessons for the 21st Century by Yuval Noah Harari — chilling predictions from the author of Sapiens" (in Engels). ISSN 0140-0460. Besoek op 25 Augustus 2018.
  37. "Can mindfulness save us from the menace of artificial intelligence?". Evening Standard (in Engels). Besoek op 25 August 2018.
  38. "Yuval Noah Harari's 21 Lessons for the 21st Century is a banal and risible self-help book". New Statesman.
  39. "Book review: Is '21 Lessons for the 21st Century' another hit for Yuval Noah Harari". The National (in Engels). Besoek op 25 Augustus 2018.
  40. Harari, Yuval Noah (8 May 2017). "The meaning of life in a world without work". The Guardian (in Engels). ISSN 0261-3077. Besoek op 10 Mei 2017.
  41. iqsquared (15 September 2016), Yuval Noah Harari on the Rise of Homo Deus, https://www.youtube.com/watch?v=JJ1yS9JIJKs, besoek op 1 Junie 2017 
  42. Paulson, Steve (2018-12-27). "Yuval Noah Harari Is Worried About Our Souls". Nautilus. Besoek op 2018-12-31.
  43. 43,0 43,1 "Yuval Noah Harari: the myth of freedom". The Guardian.
  44. 44,0 44,1 "Yuval Harari – YN Harari – Prof. Yuval Noah Harari – Official Site – Sapiens: A Brief History of Humankind".

Eksterne skakels[wysig | wysig bron]