Zoelfikar

in Wikipedia, die vrye ensiklopedie
Jump to navigation Jump to search
’n Voorstelling van Zoelfikar.

Zoelfikar of Zulfikar (Arabies: ذو الفقار Ḏū-l-Faqār of Ḏū-l-Fiqār) was ’n tweepuntige swaard wat Mohammed volgens die Islamitiese mitologie van die engel Gabriël gekry en aan sy skoonseun, die kalief Ali ibn Abi Talib, gegee het. Dit is een van die bekendste simbole van die Islam, en vir die Moslems net so belangrik as die swaard Excalibur vir die Britte.

Ikonografie[wysig | wysig bron]

Zulfikar word al eeue lank in die ikone van Islamitiese lande uitgebeeld en is veral deur die Abbasidiese kalief en die Ottomaanse Ryk gebruik. Dit word dikwels uitgebeeld met twee lemme om die mite te verduidelik. Volgens die Sjiiete, wat glo imam Ali was die eerste opvolger van Mohammed, was die swaard ’n magtige wapen. Hul spreekwoord La fata illa Ali, la saif illa Zulfikar, wat beteken "daar is geen man soos Ali, daar is geen swaard soos Zulfikar nie", word dikwels op swaarde gegraveer.

Zulfikar is ook ’n Islamitiese voornaam – bekende mense met die naam is die Pakistans-Engelse skrywer Zulfikar Ghose en die Pakistanse politikus Zulfikar Ali Bhutto.

Eksterne skakels[wysig | wysig bron]