Gabriël

in Wikipedia, die vrye ensiklopedie
Spring na: navigasie, soek
’n Ikoon van Gabriël, Bisantynse Ryk, omstreeks 1387-1395 (Tretjakof-galery, Moskou).
’n Middeleeuse Islamitiese uitbeelding uit die Arabiese manuskrip Die Wondere van die Skepping en die Snaaksighede van die Bestaan, 14de eeu.

In die Abrahamitiese godsdienste en die Islam is Gabriël (Hebreeus: גַּבְרִיאֵל Gavri'el, "God is my krag"; Grieks: Γαβριήλ Gabriel; Arabies: جبريل of جبرائيل Djibril of Djibrail) ’n engel wat boodskappe van God aan sekere mense oorgedra het.

In die Bybel[wysig | wysig bron]

Hy word in die Ou en Nuwe Testament van die Bybel genoem. In eersgenoemde verskyn hy aan die profeet Daniël.[1] In die Evangelie volgens Lukas verskyn hy aan Sagaria en Maria om die geboorte van onderskeidelik Johannes die Doper en Jesus aan te kondig.[2] In Daniël word na hom verwys as "iemand wat soos ’n man lyk", terwyl hy in Lukas "’n engel van die Here" genoem word. Hy word nie in die Bybel ’n aartsengel genoem nie, maar wel in bronne uit die intertestamentiese tydperk, soos die boek Henog.

In Rooms-Katolieke, Oosters-Ortodokse en Anglikaanse kerke word Migael, Rafael en Gabriël ook heiliges genoem.[3]

In die Koran[wysig | wysig bron]

In die Islam word Gabriël (Djibril of Djibrail) beskou as ’n aartsengel wat Allah as boodskapper na verskeie profete gestuur het, onder andere Adam en Mohammed.[4] Moslems glo God het die Koran deur Gabriël aan Mohammed geopenbaar, waarvan die 69ste soera, Die Gestolde Bloed, die eerste was.

Gabriël word verskeie kere in die Koran genoem[5] In soera 2:98 word hy en Migael (Migiel) engele en boodskappers van Allah genoem. Nes in die Christendom het Gabriël die geboorte van Johannes die Doper en Jesus geopenbaar.[6] Hy was ook een van drie engele wat die geboorte van Isak aan Abraham bekendgemaak het.[7]

Verwysings[wysig | wysig bron]

  1. Dan. 8:15-26, 9:21-27
  2. Luk. 1:11-38
  3. Zimmerman, Julie. "Friar Jack's Catechism Quiz: Test Your Knowledge on Angels". AmericanCatholic.org. Verkry op 16 Februarie 2012. 
  4. (1936) The Religion of Islam. Lahore: eBookIt.com. p. 69. ISBN 9781934271186. 
  5. Byvoorbeeld in Soera 2:97 en 66:4
  6. Stories of the Prophets, Ibn Kathir, Story of Zachariah; Story of Jesus
  7. Stories of the Prophets, Ibn Kathir, Story of Ishmael

Eksterne skakels[wysig | wysig bron]