Imam

in Wikipedia, die vrye ensiklopedie
Jump to navigation Jump to search
'n Imam lees Koranverse na die Isja' (naggebede) in die Mogolryk, 1795
Krim-Tataarse imams leer die Koran, litografie deur Carlo Bossoli, 1856
Biddende Moslems in Kaïro, skildery deur Jean-Léon Gérôme, 1865

Imam (Arabies: إمام, imām; meervoud: أئمة, aʼimmah) is 'n Arabiese term met verskeie betekenisse. In die Koran verwys dié term na 'n "model", "leiding" of "leier". In die tradisionele Islamitiese staatsteorie van die Sjia verwys die term na die godsdienstig-politieke leier (as 'n geestelike hoof) van die Islamitiese gemeenskap en opvolger van die profeet Mohammed (Ahl al-Bayt). Daarbenewens word die gebedleier tydens die Vrydaggebed in die moskee (as 'n priester of hoof van die kultus) Imam genoem, veral onder Soennitiese Moslems. Laastens word die term as 'n eretitel vir belangrike Islamitiese geleerdes en persone gebruik.

In die Soennitiese tradisie word elke dag se vyf Salatgebede, wat op elke plek verrig kan word, deur 'n Imam gelei. Indien twee of meer mense 'n gebed verrig, word die teks en bewegings deur die Imam voorgegee en die ander gelowiges volg sy voorbeeld. Vir die Vrydaggebed, wat net in 'n moskee kan plaasvind, word 'n Imam benoem, wat dié gebed sal lei.

Volgens die Twaalfer-Sjiisme en die Ismailisme het Allah twaalf Imams as perfekte voorbeelde vir die gelowiges gekies wat die hele mensdom in alle aspekte van die lewe sal lei. Die laaste en twaalfde Imam is die verborge Mohammed al-Mahdi wat saam met Isa (Jesus van Nasaret) sal terugkeer om die aarde van die Antichris (al-Masih ad-Dadjdjal) te bevry.[1]

Sien ook[wysig | wysig bron]

Verwysings[wysig | wysig bron]

  1. (en) Anawati, G.C. (6 Junie 2016). "Īsā". Encyclopaedia of Islam (2de). Ed. P. Bearman. Brill Online. ISBN 9789004161214. URL besoek op 6 Junie 2016. 

Verdere leesstof[wysig | wysig bron]

  • (de) Bert Fragner: Artikel "Imam" in: Klaus Kreiser, Rotraud Wielandt: Lexikon der Islamischen Welt. Heeltemal hersiene nuwe uitgawe. Stuttgart 1992.
  • (en) Imtiyaz Yusuf: Artikel "Imam" in John L. Esposito (ed.): The Oxford Encyclopedia of the Islamic World. 6 Boekdele. Oxford 2009. Band II, bl. 531–535.
  • (en) W. Madelung: Artikel "Imāma" in: The Encyclopaedia of Islam. New Edition. Band III, bl. 1163–1169.

Eksterne skakels[wysig | wysig bron]

  • Wikimedia Commons logo Wikimedia Commons het meer media in die kategorie Imam.
  • (en) "Imam". Encyclopædia Britannica. Besoek op 15 Maart 2019.