Bhisho

in Wikipedia, die vrye ensiklopedie
Spring na: navigasie, soek
Bhisho
Ligging van Bhisho op 'n kaart (Oos-Kaap)
Bhisho
Bhisho
 Bhisho se ligging in Oos-Kaap
Koördinate: 32°50′58″S 27°26′17″O Koördinate: 32°50′58″S 27°26′17″O
Land Vlag van Suid-Afrika Suid-Afrika
Provinsie Oos-Kaap
Munisipaliteit Buffalo City
Oppervlak[1]
 - Stad 8,08 km²  (3,1 vk m)
Hoogte 435 m (1 427 vt)
Bevolking (2011)[1]
 - Stad 11 192
 - Digtheid 1 385/km² (3 587,1/myl2)
Ras (2011)[1]
 • Swart 98.4%
 • Kleurling 1.0%
 • Indiër/Asiër 0.2%
 • Blank 0.2%
 • Ander 0.2%
Taal (2011)[1]
 • Xhosa 91.9%
 • Engels 4.0%
 • Ander 4.1%
Poskode (straat) 6506
Poskode (posbus) 6506
Skakelkode(s) 040

Bhisho (Xhosa: "buffel", voorheen Bisho) is 'n dorp in Suid-Afrika, en die hoofstad van die Oos-Kaap. Bhisho lê naby die groot hawestad Oos-Londen, lê aangrensend aan die dorp King William's Town en val in die Buffalo City Metro. Die provinsiale wetgewer en byna alle staatsdepartemente se provinsiale hoofkantore is in die dorp gevestig.

Geskiedenis[wysig]

Onder sy vorige naam van Bisho, was dit die hoofstad van die voormalige tuisland Ciskei vanaf 1981 tot 1994. Die Ciskei is onafhanklikheid verleen in 1981, hoewel dit nooit buite Suid-Afrika erken was nie, en is op 12 Augustus 1994 weer by Suid-Afrika ingelyf. Gedurende sy tyd as 'n tuislandhoofstad, het Bisho 'n suster-stad ooreenkoms onderteken met die vestiging van Ariel in die Israelies-besette Wesbank[2].

Bisho-slagting[wysig]

Op 7 September 1992 was hierdie klein dorpie die toneel van die sg. Bisho-slagting, toe sowat 90 000 betogers opgeruk het na die Bisho-stadion. Hule was ter ondersteuning van die aftakeling van die Ciskei, wat nog steeds 'n mate van onafhanklikheid probeer handhaaf het, asook die verwydering van die Ciskeise leier, brigadier Oupa Gqozo, uit sy pos. Die Ciskei Weermag het op die heuwels rondom die stadion op die skare losgebrand en 28 mense doodgeskiet en nóg 100 gewond. Die bloedbad het op 'n kritieke tyd plaasgevind, toe onderhandelings om 'n nuwe demokrasie in Suid-Afrika reeds ver gevorderd was.

Sien ook[wysig]

Verwysings[wysig]

  1. 1,0 1,1 1,2 1,3 Hoofplek Bhisho”. Sensus 2011.
  2. Sasha Polakow-Suransky, The Unspoken Alliance: Israel's Secret Relationship with Apartheid South Africa, (New York: Pantheon Books), 2010, p. 157.