Boris Berezovsky
Boris Abramovich Berezovsky (Russies: Бори́с Абра́мович Березо́вский, Afrikaanse transliterasie: Boris Abramowitsj Berezofski; 23 Januarie 1946 in Moskou; 23 Maart 2013 in Londen[1]) was ’n sakeman, wiskundige, lid van die Russiese Akademie van Wetenskap en ’n voormalige afgevaardige van die Staatsdoema. Hy is ook dikwels beskryf as ’n Russiese oligarg.[2] Hoewel hy aanvanklik ’n ondersteuner van die voormalige en huidige president Wladimir Poetin was, het hy in 2000 gou met die destyds pas verkose president gebots en hy was daarna ’n uitgesproke kritikus.[3] In laat 2000, nadat die assistent- openbare vervolger Berezovsky gelas het om ondervra te word, het hy nie van oorsee af teruggekeer nie en hom in Brittanje gevestig, waar hy in 2003 politieke asiel gekry het.[4]
Berezovsky is later in Rusland in sy afwesigheid aan ekonomiese misdrywe skuldig bevind.[5] Rusland het herhaaldelik onsuksesvol probeer om hom uitgelewer te kry en dit het ’n groot bron van spanning tussen dié land en Brittanje geword.[6][7]
Berezovsky is op 23 Maart 2013 dood in sy huis aangetref.[8] Volgens die Britse polisie het hy homself opgehang.[9][10] Hy is op 9 Mei 2013 in ’n klein, private seremonie in Brittanje begrawe.
Verwysings [wysig]
- ↑ David E. Hoffman (2011). The oligarchs: wealth and power in the new Russia. PublicAffairs. ISBN 9781610390705. Besoek op 9 Januarie 2012. , A Google preview
- ↑ Profile: Boris Berezovsky, BBC News, 31 Mei 2007
- ↑ Miriam Elder in Moscow. "Cameron meeting Putin is a 'historical mistake', says exiled Russian tycoon | World news", The Guardian, 11 September 2011. URL besoek op 17 Oktober 2011.
- ↑ “The Prosecutor Digs in the Dirt – Kommersant Moscow”. Kommersant.com. URL besoek op 17 Oktober 2011.
- ↑ <http://www.guardian.co.uk/world/2007/nov/30/russia.tomparfitt>
- ↑ "Russia and Britain: A love-hate relationship", The Economist, 19 Januarie 2008. URL besoek op 17 Oktober 2011.
- ↑ Post. "Boris Berezovsky. The Times", The Times. URL besoek op 17 Oktober 2011.
- ↑ Exiled Russian tycoon Boris Berezovsky found dead, FT, 23 Maart 2013 URL besoek op 23 Maart 2013
- ↑ “Berezovsky death consistent with hanging: police”. Reuters. URL besoek op 10 Mei 2013.
- ↑ “Berezovsky Buried at Low-Key Funeral in Britain”. The Moscow Times. URL besoek op 10 Mei 2013.
Eksterne skakels [wysig]
Hierdie artikel is vertaal uit die Engelse Wikipedia
