Finnmark

in Wikipedia, die vrye ensiklopedie
Spring na: navigasie, soek
Wapen van Finnmark

Finnmark (Noordsamies: Finnmárkku) is Noorweë se noordelikste en grootste provinsie (fylke), maar die kleinste wat bevolking betref. Dit grens in die weste aan die Troms provinsie, in die suide aan die Finse deel van Lapland en in die ooste aan die Murmansk oblast in Rusland. In die noordweste grens dit aan die Noorweegse See, deel van die Atlantiese Oseaan, en in die noorde en noordooste aan die Barentszsee in die Arktiese Oseaan. Die naam Finnmark beteken letterlik Land van die Finne. Nore het hulle reeds vroeg in Finnmark gevestig en vorm tans die meerderheid van die bevolking. Die amptelike tale in die Finnmark is Bokmål, Kveens ('n Finse dialek, onderling verstaanbaar met standaard Fins wat in 2005 status as wettige minderheidstaal in Noorweë toegeken is), en Sami.